In nomine domini; amen. Cum sit memoria res fragilis, labilis et caduca, quam frequens tollit oblivio diuturnique temporis elidit protractio, nisi scripturarum testimonio fulciatur, igitur ego Chalhochus de Hohenberch advocatus in bonis aput Sanctum Vitum¹ pertinentibus ad ecclesiam Cho^etwicensem de scitu et consensu fratris mei Ditrici profiteor universis presentem paginam inspecturis, quod cum venerabilis dominus Hermannus abbas de Chotewico nomine monasterii sui gravem contra me moveret super quibusdam gravaminibus questionem, que suis hominibus in mea advocacione aput Sanctum Vitum residentibus intuleram minus digne, protestatus suo et conventus sui nomine advocacionem ipsam vacare et ad terre principem devolutam, presertim cum dilectus genitor meus dominus Ditricus pie recordacionis de Hohenberch se suosque heredes de non offendendis hominibus ecclesie penam obligaverit ad eandem, super quo idem dominus abbas publicum protulit instrumentum.² Verum me sentiens in causa deficere memorata gratie et favori ipsius domini abbatis totaliter me submisi, qui avunculi mei domini Stephani de Missow^e, marscalci Austrie, et aliorum amicorum meorum precibus favorabiliter inclinatus me pro advocato iterum resumpsit et offensam supradictam integraliter relaxavit. Et ego vice versa ad omnes et singulas observaciones, quas pater meus dicte ecclesie servare promiserat, me denuo presentibus obligo et astringo: primo quidem si ultra iura advocacionis debita et statuta nec non presentibus annota^a, que antecessores mei, avus videlicet et pater ab antiquo tenuerunt in eadem, colonos in advocacione residentes in unico gravare presumpsero, ab omni iure, quod in ipsa michi^bb successoribusque meis competit, cadere debeo, quod ad terre principem penitus devolvetur tamquam libere absolutum. Preterea quecumque ab ecclesia Chotwicensi quocumque tytulob teneo, sunt absoluta ecclesie ipso facto. Sunt autem hec iura, que michi^b competunt, et non ultra: videlicet quatuor modii avene et novem metrete, * sex solidi denariorum et duo denarii, pulli decem et novem. Ad hec de curia plebani aput Sanctuin Vitum³ solventur michi^b universaliter et in toto quadraginta metrete siliginis, unus porcus melior post optimum. A plebano Sancti Viti nichil^b extorquere debeo, nisi in quibus se michi obtulerit spontanea voluntate. Ceterum qualescumque excessus pena digni inter colonos ecclesie perpetrati fuerint, due partes emende ad dominum abbatem, ad me vero tercia pertinebit. Extranee vero persone seu advene, si hominibus ecclesie gravamen aut violentiam intulerint, ad me pena et satisfaccio integraliter pertinebunt. Insuper si culpa mea exigente predia ecclesie Cho^etwicensis desolata fuerint vel cremata, quatuor ex ministerialibus Austrie, qui consiliarii fuerint principis terre, hinc inde debemus utrimque eligere, ad quorum consilium dampna data teneor resarcire. Si vero pro generali terre necessitate in civitatibus et locis publicis fuerit expedicio proclamata, steuram in advocacione mea recipere debeo ab hominibus competentem discreto tamen domini abbatis nuncio mediante. Preterea in recompensationem* dampnorum, que predicte ecclesie in eadem advocacione pater meus et ego fecimus absque iure, vecturam, quam annuatim extorsimus ab hominibus memoratis ego, quemadmodum et ipse, perpetuo relaxavi promittens dictos homines ea ratione in posterum non gravari. Ut autem hec acta robur habeant perpetue firmitatis, presentem litteram meo ac doinini Ottonis de Haslow^e, tunc iudicis generalis, et domini Levtoldi de Chvnringen, pincerne per Austriam, et domini Stephani de Missow^e sigillis feci muniri. Testes sunt: dominus Otto de Haslow^e, dominus Levtoldus et dominus Heinricus fratres de Chvnringe, dominus Stephanus de Missow^e, dominus Chvnradus de Sumerow^e, dominus Chalhohus et dominus Rimbertus fratres de Ebersdorf, dominus Hermannus de Wolfkersdorf, dominus Chunradus et dominus Marchwardus fratres de Pilchdorf, dominus Chvnradus et dominus Irnfridus fratres de Půchperch, dominus Mengotus de Retelperge, Albero dominus de Hohonstein,^c Chvnradus dominus de Ossenburch, dominus Chvnradus Ysenbevtel, dominus Offo de Arberch, W^olvingus et Otto fratres de Walde, Ditricus, Wernhardus, W^olvingus fratres de Hevselin, Fridericus et Chvnradus dicti Ysenbevtel, item Otto dictus Schetwer, Heinricus de Cherspach, Erchengerus filius suus, Stephanus super Porz, Levpoldus et Stephanus fratres de Prato, Levtoldus de Hohenberch, Marchwardus de Newenwald et plures alii fide digni. Datum Wienne anno doinini MCCLXXXI, XII. kalendas marcii, indiccione^b IX.

Source Fulltext: FUCHS, Göttweig I (=FRA II/51, Wien 1901) S. 166-168