Notum sit universis literarum presentium inspectoribus, quod ego Hertnidus et Helnwicus fratres dicti de Chulevb redditus trium talentorum minus LX denariis sitos in Horbach,¹ quos ad monasterium sancte Marie in Cho^etwico didicimus pertinere et nos minus debite hactenus cognovimus possedisse, in potestatem predicti monasterii resignavimus absolute a venerabili in Christo patre ac domino Heinrico eiusdein monasterii abbate ipsa bona prehabita suscipientes tantummodo ad tempora vite nostre protestantes, ut quando dominus nos vocaverit de medio huius mundi, predicta bona integraliter et perfecte absque contradictione qualibet nostrorum heredum ad predictum monasterium libere revertantur. In cuius rei testimonium presentes litteras sigillo domini nostri, domini Chunradi de Sumerowe petivimus consignari. Testes sunt: dominus Otto, dominus Marquardus fratres de Wildenstain, dominus Chunradus iunior de Sumerowe, item Heinricus frater suus, Wernhardus, Dittricus, Wlfingus fratres de Hevslein, item dominus Rudolfus miles, dictus Volô, dominus Alabrandus, dominus Reimboto, Gevbardus Vrevl, Rudigerus Vrevl, milites; Freiclo Meylower, Fridericus de Levnperg, Albero frater suus, Chunradus de Hurnpach, Leutwinus frater suus, Vlricus de Fuert et alii quam plures. Actum et datum in Chotwico anno domini MCCXCIII. in die beate Afre martyris.

Source Fulltext: FUCHS, Göttweig I (=FRA II/51, Wien 1901) S. 206-207