Nos Hadmarus dei gracia prepositus totumque capitulum ecclesie Nevnburgensis tenore presencium profitemur et constare volumus tam presentibus quam futuris, quod discretus vir Gebhardus notarius unum iuger de vinea dicta in dem Weingraben¹ situm in anteriori parte circa longam Vineam, quod a nostra ecclesia iure emphiteotico, quod in vulgari perchrecht dicitur, obtinebat, vendidit venerabili abbati et conventui monasterii Chotwicensis pro octoginta et VI libris denariorum Winnensium consencientibus expresse coram nobis domina Sophia uxore eius et ipsius liberis universis. Protestatus est insuper ipse Gebhardus in presencia nostra, quod premissa pecunia sibi sit integraliter persoluta. Nos itaque contractum huiusmodi ratum et gratum habentes dictum iuger post resignationem ipsius Gebhardi ecclesie Chotwicensi concessimus et donavimus iure predicto, quod in vulgari perchrecht dicitur, perpetuo possidendum salvis omnino conditionibus infrascriptis videlicet, quod ad hospitale nostrum quinque urne vini crescentis in ipso iugere nomine iuris montani nec non pro decima, que de illo debetur, annis singulis ministrentur. Quod si servicium illud per duos annos continuos obmissum vel neglectum fuerit quoquo modo, sepedictum iuger ad hospitale nostrum cum integritate omnimoda devolvetur. Vendendi vero et obligandi seu in personas alias eandem vineam iure simili transferendi plenam habebit Chotwicensis ecclesia facultatem, dummodo per nos, quicquid talium factum fuerit, confirmetur. Ut autem circa contractum huiusmodi et nichilominus circa donationem^a et concessionem factam a nobis omnis evitetur calumpnia in futurum presentes literas ecclesie Chotwicensi dedimus sigillorum nostrornm robore communitas. Testes sunt domini: Otto decanus, Albertus custos dominarum, Heinricus de Pyela, Ortolfus Prentel, Ditricus plebanus sancti Martini, Wisento, Ortolfus, Paulus celerarius,^b Helwicus custos, Marquardus camerarius dominarum, Pertoldus magister infirmorum, Rugerus de Gabats, Iacobus hospitalarius, Heinricus de Havsekk, Stephanus, Albertus de Gebneys, Otto de Winna, Stephanus de Sirndorf, Pertoldus de Alss, Eberhardus, Fridricus, Livtoldus, Marquardus sacerdotes; Rimbertus, Gerungus, dyaconi, canonici; Fridricus Hůtstoch Fridricus ante ecclesiam, Cholo ofcialis, Wernhardus Shwer milites; Vlricus de Steygsperch, Nycolaus Asinus, Ru^edwinus, Hermannus Ymian, Gerungus filius officialis et alii multi. Datum et actum Nevnburge anno domini millesimo ducentesimo nonagesimo VI, in die kathedre sancti Petri.

Source Fulltext: FUCHS, Göttweig I (=FRA II/51, Wien 1901) S. 214-215