Nos Leutoldus de Chvnrinng, pincerna Austrie generalis, notum facimus singulis ac singulariter universis presenteni paginam inspecturis, quod venerabilis in Christo pater dominus Heinricus abbas Chotwicensis de consensu conventus sui bona infra scripta videlicet ista: in Hevtzleins¹ de quarto et dimidio beneficio integram decimam, in Pv^erch² de quarto et dimidio beneficio integram decimam et de dimidia area, item in Herrants³ de duobus beneficiis integram decimam, in Teichmanns⁴ de duobus beneficiis integram decimam, que ad ipsum et suum monasterium vacacione legitima fuerant devoluta, de sua gratia et beneplacio^a speciali graciam volens preferre rigori concessit V^olrico et Alberto, filiis pie memorie Chůnradi de Wolfrevt,⁵ et duobus filiis ipsorum Chunrado et Iohanni iure precario, quod vulgariter leipgeding dicitur, bona prefata libere et quiete ad tempora vite sue nulli heredum ipsorum conferens ius aliquod in eisdem, que post mortem ipsorum sine omni contradictione quorumcumque heredum suorum ad Chotwicensem ecclesiam libere revertantur. Et quia hoc in presencia nostra factum esse dinoscitur, nos ad instanciam ambarum partium predictarum pro evitanda calumpnia presentes dedimus litteras nostro sigillo munitas cum testibus subnotatis, qui sunt: Albertus de Ho^ehnstein, Albertus de Lobnstayn, Rvgerus de Storhnberg, Lvdwicus de Lichtnaw^e; item milites nostri: Hadmarus et Hadmarus, Marquardus de Tzwetel, Heinricus de Swelnpach, Perhtoldus in Ripa, Martinus de Weselndorf, Ditricus Grůber, Vlricus de Fevstritz et alii quam plures. Datum in Tyrnstayn anno domini millesimo tricentesimo,^b Iacobi apostoli, VIII. kalendas augusti.

Source Fulltext: FUCHS, Göttweig I (=FRA II/51, Wien 1901) S. 236-237