Nos Albertus dei gratia ecclesie Pataviensis episcopus constare volumus universis presentes litteras inspecturis, quod venerabilis in Christo frater dominus Marquardus abbas Cho^etbycensis ordinis sancti Benedicti nostre dyocesis de consensu et beneplacito nostro de conventus sui consilio et nobilis vir Vlricus de Mŷssaw tertiam partem omnium decimarum vini et bladi de triginta tribus pheodis iuxta castrum in Myssaw in parochya ibidem sitis, quae dictum monasterium proprietatis tytulo respiciebant, cum decimis bladi infrascriptis videlicet tertia parte decimarum omnis culture ad forum Chotans spectantis citra fluvium, qui Chrems dicitur, et medietatem omnium decimarum ex altera parte dicti fluvii scilicet ex parte memoris et de quatuor villis videlicet Va^eleyns, Volrats, Weykchartslag et Haeutzleins medietatem similiter decimarum omnium, quas antea dictus Vlricus de Mŷssaw et sui progenitores a nostra Pataviensi ecclesia in pheodum tenuerunt, ad invicem permutarunt ideo, quod propter vicinitatem ad aliorum bonorum utriusque contiguitatem cuilibet predictorum ex alterutra decimarum permissarum maior poterat utilitas pervenire, hoc tamen salvo, quod dictus Vlricus et omnes sui heredes seu posteritas prefatas decimas, quas a monasterio Cho^etbycensi in casu permutacionis ex nunc habebunt, a nobis nostrisque successoribus in omnem modum, sicut decimas sepedictas olym suas pheodaly^a titulo et non proprietatis iure debeant recipere perpetuo ac tenere. Sepeclictum vero monasterium Cho^etbycense decimas predictas olym sepefati Vlrici tytulo proprietatis perpetuo possidebit. Et in huius rei evidenciam atque robur presentes damus literas appensione sygilli nostri munitas. Actum et datum in Sancto Ypolito anno domini MCCC vicesimo secundo in die ascensionis domini.

Source Fulltext: FUCHS, Göttweig I (=FRA II/51, Wien 1901) S. 302-303