Ich Herman der Schonleiter vergich offenlich mit disem brif und tuen chunt allen den, di in sehent oder hornt lesen, daz mir mein gnediger herr abt Wulfinch ze Cho^etwig von besundern gnaden und auch durich meiner di^enst willen gegeben hat beraets guets fumtzk phunt phening, darumb ich gechauft han von Stephann dem Topler von Wazzerberch unde von seinen erben, dew gelt di hinach geschriben stent und lehen sind von dem landsfursten ze o^esterrich und ligent auf des chlosters guet ze Cho^etwig datz Flimsdorf und datz Hugling¹ auf acht lehen und auf vier hofsteten halb zehent chlaen und grozzen ze Flimsdorf und daselbs und ze Hugling¹ achtzk metzn vogthabern, zwelif^a huener, sechs und drey schilling taydingphenig, acht und viertzk straychphening durich der trewen und auch gnaden willen, di mir an dem guet und an andern sachen von dem gotshaws geschehen ist, gelub ich unbedwungichlich und mit gu^etlichem willen an alls gevaer, daz ich und mein erben dem got^eshaws ze Cho^etwig unde swer abt da ist, getrewelich und willichlich dienen schullen unde sunderlich, swes daz gotshaus von alter recht auf dem guet gehabt hat. Daz ist fuer stewr, ungelt, swi der genant ist, des in di vo^egt wider ir gwizzn ettlich jar wider gewesen sind, daz wir sew hinfur ewichlich und ir go^etshaws daran nimermer geirren schullen und von den holden andrers dinst und noch andrer vodrung nicht haben noch nemen schullen, den daz recht, daz von alter darauf gewesen ist und schullen chayn new^o recht noch dhaen beswaerung auf sew^o pringen, wir schullen si auch geim eim abt noch gegen chaein sein phfleger nicht sterchen noch stew^orn mit Worten noch mit werchen. Ich gelub auch und mein erben, daz wi^er den gelt, den wir haben auf dem guet, weder verchauffen noch versetzen noch verchumern schullen an dhaen stat noch ze chaener zeit, ez sei dann des herren rat und will, der zu den zeiten herr und abt ist auf dem Cho^etwig. Ich gelub auch und mein erben, swann uns ein abt ze Cho^etwig, swer der ist, chaufft ledigs gelts auf gestiftem guet alsvil, als des ist, daz wir daz getrewlichen aribayten schullen an den landesfursten, daz er daz nem in sein u^erbar für den gelt, den wir haben auf den guetern und uns daz leich und furbaz der vogthabern und auch der di^enst dem gotshaws ze Cho^etwig ledich sei von der herschaft und auch von uns, daz si allen irn frum damit geschaffen můgen daz gelub ich und mein erben in alles staet behalten mit unsern trewen an aedes stat und geben in des disen offen brif fur uns und fu^er alle unser erben versygelten ich offtgenanter Herman der Schonleyter und ich Tschenk der Heusler und ich Syghart der Heusler mit unsern anhangunden insigeln. Geben, do man zalt von Christ gepurd dreutzehen hundert jar dornach in dem zway und fumczikisten jar an sand Georigentag.

Source Fulltext: FUCHS, Göttweig I (=FRA II/51, Wien 1901) S. 466-467