Ich Ott der Fuechz und ich Chedel sein pru^eder paid von Goznicz und ich Michel i^er swester sun dez Druczsetzen hold auch von Goznicz verichen offenleich an dem prief und tun chu^ent allen den, die in sehent odir horent lesen, daz wi^er uns mit wol verdahtem muet und nach dez erbern ritters rat und Weisung hern Wilhartz dez Grauenwerder uns verpunten und verhaizzen haben mit unsern trew^en an aidez stat und nemen auch uns an fuer all unser vreunt, daz wi^er uns ergeben haben in di gnad unserz wirdigen^a gnedigen herren apt^b von Cho^etwig und alles conventz dezselben gotzhaus und all iern nachcho^emen, wan seu wellen, so schu^el wi^er Urlaub haben von dem dorf ze Go^eznicz an all widirred und schu^eln auch umb dazselb urlaub und umb die fancznuechs, die uns widirfarn ist, nyemt veint sein weder den armenleuten ze Go^eznicz noch wer daran schuldich sei und iern schaden nyndert trachten wedir pei tag noch pei nacht. Wer avir, daz wi^er daz indert uberfuern und nicht stet behielten, daz erber leut gesprechen mechten, so schullen wi^er vervallen sein dem vargnanten gotzhauz ze Cho^etwig all unser hab, die wir haben in dem land ze Osterreich auf wasser odir auf lant und wie daz genant sei und wer dez vargnanten aygens vogt ist, dem sei wi^er ze hant mit zwelfen, uberfarn und uberwunten an allez recht, iz sey inre lantz odir auzzer lantz, wo wi^er begrieffen werden und schuln auch mit den leuten ze Go^eznicz nichtz ze schaffen haben^c chainrelay sach an recht ain. Daz lob wi^er in allez stet ze haben auf unsern trew^en an aydez stat. Der prief ist gegeben nach dreuzehen hundert iaren von Christi gepuerd darnach über zway und funfkisten iare dez vreitatgez vor sand Cholmanstag versigilt mit der erbern leut insigel Jansen dez Reddeprunner und dez Tynelzharder, die zeit purczgraf ze Weiczherstorf und dez Vetern ze Fuezpru^en, die wier darumb gepeten haben haben^d zu ainem zeug an den prief.

Source Fulltext: FUCHS, Göttweig I (=FRA II/51, Wien 1901) S. 468-469