Wir Ulreich von gots gnaden brobst und wi^er der convent gemain dez gotshaws ze Sand Po^ellten und wi^er Weygant von got^es gnaden brobst und wi^er der convent gemain dez gotshaws ze Sand Florian vergehen und tun chunt offenleich mit dem brief, da ain chrieg gewesen ist zwischen uns an ainem tail und zwischen dez erberdigen herren, hern Chu^enrat^es abt ze Tegernse und dez convents gemain doselbs an dem andern tail umb drew^e weintzehent auf i^ern weingerten gelegen in der Wachaw^e.¹ Desselben chriegs sein wi^er mit gu^etleihem willen und mit verdachtem mu^et gegangen hinder den erbern gestleichen herren, hern Christoffen, techant ze Sand Po^ellten, und hinder den erbern man Pernolten den Chlingenfu^erter an unserm tail und hinder den erbern gestleichen herren, hern Go^etfriden von Regenspurch und hinder den erbern ritter hern Ortolffen den Chulbêr an ir^en tail also weschaidenleich, das diselben vi^er auf den nechsten suntag cho^emen in di Wachaw^e und di gu^eter weschaw^en und sich erfarn schullen, swelhew^e gu^eter und weingerten sein, di i^er go^etshaw^es von alter gehabt hab, wan sew^e von des weintzehent^es wegen nicht maint ze verantwu^erten di gu^eter, di von in und von dem obgenanten ir^em gotzhaws ze lehen oder ze purkchrecht sind, nu^er allain di weingerten, di sew^e von alter gehabt habn, als i^er brief und salpuch sagent. Wan sew^e sprechent, daz sew^e von denselben i^ern weingerten dhain zehent nicht gebn und raichen schullen, und wi^er sprechen, das sew uns dovon und unsern gotsha^ewsern rechtleich zehent geben und raihen schullen. Es schullen auch di vo^ergenanten vi^er unser spruchlewte nach derselben weingerten und gu^eter weschawng von dez vorgenanten zehentz wegen dez nechsten montags darnach gen Mauttarn cho^emen und sullen wi^er denn do fu^ertragen und zaigen unser brief und urchund oder swes yeder tail rechtleich sol geniezzen, und nach denselben brief und urchund sag schullen di^e vo^ergenanten vi^er unser spruchlewte minn und recht nach ir^en trew^en vollen gewalt haben ze sprechen umb all di chrieg und sto^ezz, di gewesen sind zwischen uns von dez obgenanten zehents wegen untz auf disen hew^etigen tag. Und swas di daruber sprechent, daz sullen wi^er auf bayden tailn gentzleich stet haben an allez gever. Si schullen auch ze Mauttarn nicht von einander schaiden, ez werd ee minn oder recht von in gespro^echen. Wer aber, daz di obgenanten vi^er unser spruchlew^et von dem montag untz auf den nechsten phincztag darnach uberain nicht cho^emen mo^echten, so haben wi^er ze paiden tailn mit gu^etleihem willen den erberdigen herren, hern Ulreihen den abbt von dem Cho^etweig ze ainem obman geno^emen also, swas der dann daruber spricht, daz sullen wi^er auf paiden tailn denn gentzleich stet und untzebro^echen haben. Es schol auch derselbig erber herr der abbt von dem Cho^etweig darzu^e acht tag gedechtnu^ezz haben. Wer aber, daz er daran indert irrung von ehafter no^et wegen hiet also, daz er daruber nicht gesprechen mo^echt, so sol er dannoch acht têg haben darnach daruber ze sprechen. Geschech aber, das uns der obgenanten vi^er spruchlewt ainer abgyeng, auf welhem tail daz wêr, derselbig tail schol ainen andern nemmen also, daz di obgenanten teg unvertzogen weleiben. Ging aber uns der obman ab, so schullen di vi^er spru^echlew^et nach irn trew^en ainen andern nemmen in allen den rechten, als oben geschriben stet. Es schol auch di sach fu^erbas nicht verrer geschoben werden weder an geistleichs noch an weltleichs gericht, denn daz di spruchlew^et oder der obman nach ir^en trew^en minn und recht daruber schullen sprechen und was di darüber sprechent minn oder recht, daz sullen wi^er dann auf paiden tailen gegen einander mit unsern und mit unser convent insigln westetn und swer dez auf paiden tailn nicht stet haben wolt, daz vo^er geschriben stet, oder daz di vorgenanten vi^er unser spruchlew^et und auch der obman daruber sprechent, di schullen unserm herren dem hertzogen in o^esterreich schuldig und vervallen sein ze geben zu dem paw^e hintz Sand Stephan ze Wienn zwai hundert phunt Wienner phenning und irm gegentail hundert phunt Wienner phenning ze rechtem widerwett und sol auch sew unser herr der hertzog darzu^e weno^etten diselben drew^e hundert phunt in ainem monêd ze geben mit urchunt ditz briefs versigelt mit unser obgenanten Ulreich brobst ze Sand Po^ellten und mit unser Weygant^es brobst ze Sand Florian anhangunden insigeln. Datum et actum in die sancti Egidii anno domini millesimo CCCLX primo.

Source Fulltext: FUCHS, Göttweig I (=FRA II/51, Wien 1901) S. 526-528