Ich Henning zu den zeiten pharrer ze Haynfeld, vergich offenbar mit dem gegenwu^ertigen brief, daz di erbaern lewt durich got und durch aller gelaubigen selhail willen und sunderleich durch der erbern lewt selhail willen, di hernach geschriben stent, des erbern geystleichen priester hern Hainreichs weiln pharrer ze Haynfeld und des erbern geystlichen priester hern Perichtolts weiln pharrer ze Hofstêten, Lewtolts dez Fuchs und frawn Chunegunden seiner hawsvraw^en ze Haynfeld mi^er und auch meiner vorgenanten chirchen ze Hainfeld und allen meinen nachchomen recht und redleichen geben habent zway bestifte gueter, di aygen sint und di gelegen sint in der Ramsaw in meiner vorgenanten pharr, daz ain gu^et gelegen in dem Pastpach ze Vellpavmtal, daz do dint alle iar aecht und drey Schilling gemainer Wy^enner phenning an sand Mychelstag, und daz ander gu^et gelegen in dem Mastal, dovon mon alle iar di^ent acht und achtzig Wy^enner phenning an sand Mychelstag, und sullen auch von den vorgenanten gu^etern nicht mer nemen in dhainen wegen nur unsern vorgenanten rechten di^enst. Nur alain, wann daz ist, daz der bischolf oder herczog gemaine stewr nement, so sullen si mi^er und auch allen meinen nachchomen stewr geben daz vorgenant gu^et in dem Pastpach ze Vellpawmtal¹ sechtzehen Wy^enner phenning und daz vorgenant gu^et in dem Mastal zehen Wy^enner phenning und nicht mer. Und wann auch der vorgenant gu^eter ainz verchawft oder verwandelt wirt, so sol mon dovon von yedem gu^et dem pharrer geben vier phenning ze ablait und ze anlait als vil und nicht mer und sol auch ain pharrer ze Hainfeld der vorgenanten gu^eter stifter und sto^erer sein. Di vorgenant gu^eter bayde habent di vorgenant lewt mir und meinen nachchomen geben darumb, daz ich in und all mein nachchomen in meiner vorgenanten pharrchirchen ze Haynfeld dovon einen ewigen jartag alle iar begen sullen an sand Cholmanstag des abents mit vigilii und des morgens mit einem selampt, di mon bayde singen sol. Mon sol in auch zu oblay hinfur ze alter tragen vier wekk semlems pro^etes, der y^egleicher sechs phenning wert sol sein, und ayn diech eines rindfleisches, daz siben und zwaintzig phenning wert sol sein und auch ainen emmer weins, der sechtzig phenning wert sol sein. Mon sol auch bayden gesellen dovon geben y^egleichem sechs phenning und dem mesner von dem g^elewt vier phenning. Mon sol auch zwaintzig phenning raihen und geben in di zeche der pu^erger zu dem liecht, dorumb daz mon di chertzen auz der pu^ergerzech des nachtes aufzunt zu der vigilii und des morgens zu dem selampt, und sullen auch dopey prunnen als gewonleich und sitleich ist. Waer aber, daz ich vorgenanter Henning der pharrer oder mein nachchomen den vorgenanten jartag nicht begiengen^a an dem vorgenanten sand Cholmanstag, als vor geschriben stet, so sein wi^er ze pezzrung vervallen ain gantz phunt wachs in di zech der pu^erger zu dem ly^echt und wenn uns auch der pu^erger ainer auz der zech dornach vodernt oder monent, so sullen wi^er den vorgenanten jartag dornach in viertzehen tagen unvertzogenleich begen und der pezzrung, der wi^er vervallen sein, auch geben. Taet wir des nicht, so sullen wi^er aber vervallen sein aines gantzen phu^ent wachs in di vorgenant zech der pu^erger. Waer aber, daz wi^er nach den vy^ertzehen tagen den vorgenanten jartag nicht begiegen^a und auch di pezzrung nicht gaeben, als vor geschriben stêt, so schullen di vorgenant gu^eter ainem abt ze Chotweig und seinem gotzhaws gancz und gar vervallen sein und mugen auch furbaz allen ir^en frumen domit schaffen versetzen verchawffen und geben, wem si wellent, als mit andern ir^en gu^etem an allen y^ersal. Und daz di Wandlung und daz gescheft furbaz also staet und unczerbrochen beleib, doruber gib ich vorgnanter Henning pharrer ze Haynfeld den prief versygelten mit meim insygell und mit rneins gena^edigen geystleichen lehenherren insygel und abt Vlreichs ze Chotweig. Der sache sint auch gezeug der erber her Stephan von Hochenwerich und Janns der Tewfel und Peter der Cherspekch mit ir^en insygeln. Der prief ist geben nach Christi gepu^erd tawsent iar drew hundert iar dornach in dem newn und sechtzigistem jar an aller heyligen abent.

Source Fulltext: FUCHS, Göttweig I (=FRA II/51, Wien 1901) S. 585-587