Anno domini millesimo tricentesimo septuagesimo primo indictione nona, pontificatus sanctissimi in Christo patris ac domini nostri, domini Gregorii divina providencia pape undecimi anno primo die quinta mensis augusti paulo post horam vesperorum in loco capitulari monasterii Chotwicensis in mei publici notarii et testium infrascriptorum presencia personaliter constituti venerabilis pater dominus Vlricus abbas, Fridericus prior, Iacobus cantor ceterique monachi seu fratres conventum facientes dicti monasterii Chotwicensis ordinis s. Benedicti Pataviensis diocesis unanimi consensu et ex certa sciencia constituerunt fecerunt ordinaverunt modo et forma iuris, quibus melius debuerunt et potuerunt, suos et dicti sui monasterii veros et legitinios procuratores syndicos yconomos^a ac nuncios spirituales honestos viros dominum Iacobum rectorem parrochialis ecclesie in Mautarn dicte diocesis, magistrum Ioannem de Constancia, dominum Chunradum de Cassel et Růbertum de Smalenborch in Romana curia procuratores absentes tamquam praesentes et in solidum ita, quod non sit melior condicio occupantis, sed quod unus eorum inceperit, alter prosequi valeat et finire ad impetrandum in curia Romana indulgentias et privilegia quaecunque a sede apostolica profectum et utilitatem constituentium et dicti monasterii concernencia et ad petendum et se canonice informari faciendum de obligacione unius marobotini^b auri singulis annis solvendi, quo Ioannes de Rembach, canonicus ecclesiae beatae Mariae veteris capellae Ratisponensis, asserens se in huiusmodi causa subcollectorem dicit dictum monasterium Chotvvicense fore Romanae ecclesiae censuale et si plene informati fuerint ad concordandum cum eo, cuius interest, super censu memorato, aliquin ad petendam absolutionem super postulacione census antedicti et ad impetrandum in audiencia publica literarum domini nostri pape literas tam simplices quam legendas graciam seu iusticiam continentes et impetratis contradicendum in loca et iudices conveniendi ac ipsa et ipsos suspecta vel suspectos recusandum suspicionum causas allegandum et probandum, cauciones dandum et recipiendum, cuiuslibet generis sacramentum necessarium praestandum et praestari videndum, protestandum et generaliter omnia et singula faciendum et exercendum, quae in praemissis et circa praemissa et quodlibet praemissorum et ad effectum et ad executionem eorum expedient aut fuerint oportuna, et si mandatum exigant speciale, alium seu alios procuratores substituendum et renovandum, quociens quando vel ubi expediens videbitur ac necesse promittentes se gratum et ratum perpetuis temporibus habituros solempniter stipulando, quidquid per dictos suos procuratores ac substitutos ab ipsis vel per alterum eorundem actum vel ordinatum fuerit in praemissis seu quolibet praemissorum ipsosque et quemlibet eorum ab onere satisdandi penitus relevare sub ypoteca omnium bonorum suorum et monasterii memorati, super quibus ipsi constituentes pecierunt sibi per me fieri unum vel plura publicum vel publica instrumenta. Acta sunt haec in Chotwico anno indictione pontificatus die hora quibus supra praesentibus discretis viris Hennigho plebano in Hainfeld et Petro de Euerding clerico et aliis fide dignis.||
(S. N.)^c et ego Hainricus, Sifridi de Ti^erna, clericus Pataviensis dyocesis, publicus imperiali auctoritate notarius, dictorum procuratorum constitutor et omnibus et singulis praemissis videndo et audiendo praesens interfui et aliis causis impeditus per alium scribi praesens instrumentum feci et sigillo dicti domini abbatis sigillari ipsumque nomine et singnis^d meis solitis subscribendo singnavi^d una cum dictis testibus specialiter requisitus.

Source Fulltext: FUCHS, Göttweig I (=FRA II/51, Wien 1901) S. 603-604