Wir Lucas von gotes gnaden brobst des gotshaws zu Sant Florian, ich Wolfgang Cherspekch, licenciat gaistlicher rechten, korherr doselbs, und ich Hanns Ponhallm zu Piberpach bekennen von wegen der stoss und zwitrêcht der stift zu Chreusteten, so der edel und vesst Urban Gennsel dem got gnad getan hat, als uns der hochwi^erdigist in got vater und gaistlicher furst und herre, her Leonart von gotes gnaden bischof zu Passaw hat zuegeschriben und ganczen vollen gwalt gegeben und bevolhen in den sachen ze tu^en, als sein hochwirdige gnad selbs mo^echt getun, darauf der ersam her Jorg Grelpekch, diczeit pfarrer zu Aspach, und der edel und vesst Rudolf Schiermer als ain geschêfftherr des benanten Urban Gênnslein und auch der zechmaister und die gancz pharrmenig zu Aspach und Chreusteten der sachen in irn zu^espru^echen zu uns drin komen und hinder uns gegangen sind gancz und gar an all auszug und uns vollen gwalt gegeben ze tun, als der benant unser hochwirdigister herr bischof Leonart selbs mocht getun, haben wir nach gu^eter bedêchtnuss und zeitigem rate zwischen dem benanten Schiermer und den benanten zechmaister und pfarrmenig ausgesprochen und sprechen auch in kraft dicz briefs in mass, als hernach geschriben stet: von erst als der Schiermer ain kelich gegeben hat und darczue an widerred sich erpoten hat sechs und drewssigk phunt phenning ze geben umb liecht oppherwein und lon dem mesner zu lêwtten und aufczuntten und auch den altar von new besneiden, sprechen wir, das er zu dem allem auch ain gancz messpuech, do all mess, so man das gancz jar spricht, inngeschriben sein, damit der stift genu^eg mu^eg geschehen nach innhaltung des stiftbriefs, und auch ain ganncz messgwant, das ist: humeral allm gurttel manipel stol gasel zu der benanten stift zu disem mal sol geben von des Gênnsleins gut und hinfur ewigklich nichts mer schuldig sol sein weder er noch sein erben weder von sein selbs oder seiner erben weder von des offtgenanten Gênnsleins gu^et, sunder dy^e stift in allen obgemelten notdurften gefu^edert werden nach innhaltung der versargnu^ess, so wir beginnen ze sprechen, als hernach berurt wird. Item wir sprechen, ob der Schiermer für das benant puech und messgwant wolde geben ain sum gelts, so sol er fur sew baide zwainczig phunt phenning geben, daran su^elln der zechmaister und pfarrmenig ain gu^ets volles gevelklichs und dankchpêrigs benu^egen haben. Item wir sprechen, das der zechmaister und pfarrmenig dem Schiermer sollen geben ain versargnu^ess nach laut und innhaltung der notel hiemit gesenndt und sullen das tu^en in der ainem moned von datum des briefs. Item wir sprechen, das derselben versargnu^ess ain abgeschrift sol beleiben bei dem gotshaws zu Chreusteten durch gedechtnu^ess willen und sol alle jar ainst herfu^er genomen und gelesen werden, domit dy^e sach dester paser in redlicher gedêchtnu^ess und ennczikait beleih. Item wir sprechen dem schreiber umb die spruchbrief von yedem tail ain halb phunt phenning, das u^ebrig stee bei irn erberkaiten. Item wir sprechen, welher tail den spruch nicht stêt hielt und den in ainem oder menigern artikel u^ebertra^et, der wer seiner herrschaft vervallen zwai und drêwssig phunt phenning und dem vogt zu Steir anstat des lanndsfursten auch zwai und drêwssig phunt phenning und dem andern tail aller seiner spru^ech und vodrung. Und ze urkund der Sachen geben wir yedem tail des unsern spruchbrief in gleicher laut besigelten mit mein obgenants Lucasen brobst angehangen insigel und für mich Wolfgang Cherspekchen mit des convents des benanten gotshaws zu Sant Florian gemainem anhangunden petschad, wenn ich aigens insigel nicht enhab, uns allen unsern nachkomen und dem benanten gotshaws an schaden und mit mein obgenants Hannsen Ponhallm auch anhangundem insigel doch mir und meinen erben an schaden. Der brief ist geben nach Cristi gepu^erde vierczehenhundert jar und darnach in dem acht und vierczgkisten jare an suntag invocavit in der vassten.

Source Fulltext: FUCHS, Göttweig II (=FRA II/52, Wien 1901) S. 411-413