Wir Albrecht etc. bekennen, daz fur uns komen ist unser getrewer Lienhart Sinczendorffer und bat uns diemu^eeticlich, daz wir^a im geruchten zu verleihen die nachgenannten guter unser lehenschaft unsers lannds ob der Enns, wan die sein erb wêrn. Das haben wir getan und haben demselben Sinczendorffer die gemelten gu^eter mit irn zugehorungen verlihen und leihen auch wissentlich mit dem brief, was wir im zu recht daran verleihen sullen oder můgen also, daz er und sein erben, die nw von uns und unsern erben in lehennsweis innhaben nuczen und niessen sullen sullen^b mugen, als lehens und lannds recht ist unverlich. Und sind die lehen: von erst ain hof in Kemnater pharr zu Sunlewten, item zwen hof zu Obern und Nidern Egendorff in Kirchperger, item ain hub genant die Hadnhub in Pharrkircher pharr und ain hub genant die Pehaimhůb in Wartperger pharr. Mit urkund des briefs geben ze Lynncz an eritag nach dem suntag misericordia domini nach Christi geburde virczehen hundert und in dem newnundfunfczigisten jaren.

Source Fulltext: FUCHS, Göttweig II (=FRA II/52, Wien 1901) S. 510-511