Edler, besunder lieber herr Ludweig! etc. Als ir auf unsers gotzhaus erbholden zu Drastorff ytzo stewr von der rais wegen für den Scheichennstain¹ durch die ewrn gelegt habt, lassen wir ew wissen, das dieselben allain unserm allergenadigisten herrn, dem Romischen kaiser als landesfursten und niemands anderen gevogt sein und darauf von der herschaft Lempach auch andern solher und aller ander vordrung zw rais und stewr von alter hintzher gantz vertragen darzue darumb unangelangt gehalden, sunder in den allain unseren vorderen und uns auf die ansla^eg, so von hof auf uns, darzue die und anderen unser armlewt mit solher oberurter vordrung zu rais oder stewr getan werden, damit gehorsam gewesen sein. Auf das pitten wir ew in wesunderem vleis dieselben unser erbholden unserm egenanten gena^edigisten heren, dem kaiser gevogt auf solich oberuet^a herkomen eurer getan anslag der stewr guttichleich ze begeben und die der ga^entzlich ledig ze schaffen. Ewr verschriben antbuert last uns beÿ dem poten wissen. Das etc. Geben zw Gotweig am suntag nach sand Giligentag anno domini etc. LXIIII. Mert von gotes gnaden abbt zw Gottweig. Adresse: Dem edeln strenngen ritter, heren Ludweigen von der Weittmu^ell oder zu seinem awesen der edeln, unser besundern lieben frawn Magdalen seinem gema^echel.

Source Fulltext: FUCHS, Göttweig II (=FRA II/52, Wien 1901) S. 607-608