Erwirdiger, ga^eistlicher her! etc. Mich ist angelangt, wie der Sêusenegker ewr holden, so ew und in die vogtey, so weilend Jorg Schechk vom Walt inngehabt hat, auffervoder^a mit im in veld ziehen und auf sein schellen, darauf so schichk ich ew ain brief ausgangen von meinem herren [dem]^b kayser, den ir wol vernemen werdet, bit ich ew, ir wellet darob sein und mit den ewren schaffen, das sy dem Sêusenegker in den sachen und auffervodern von der vogtey wegen nicht gehorsam sein, sunder meinem brueder, hern Mathewsen von Spawr hinfu^er mit solcher vogtey gehorsam sein, als ir an meins herren [des]^b kayser schreiben wol vernemen werd. Tat ir aber des nicht und ob die ewren hinfu^er in schaden kemen, das ich euch das vor zuegeschriben hab, wenn mein brueder das nicht gligen lassen wiert, wen er von meinem herren [dem]^b kayser nach aller nottdurfft darumb versargt ist. Ewr verschribnew antwurt last mich pein dem potten widerumb wissen. Geben auf Hochenegk am mitichen nach Erasmy episcopi anno domini etc. LXIIII.||
Jacob von Spawr, erybischenchk zu Tyrol.

Source Fulltext: FUCHS, Göttweig II (=FRA II/52, Wien 1901) S. 601