Reverendissime in Christo pater et domine graciosissime! etc. Als der Watzla und etwevil ander des landes veint u^eber des goczhaws zu Gott(weig) leut hiederhalb Tunaw ubergezogen, darauf gelegen sein und den all ir gueter an irm aufczug gein Ybs genomen haben, u^eber das uns mit meniger warnung anlanget, wie dieselben veint, so yczo in das lannd ko^emen sein mitsambt dem, so noch denselben zw hilf darin komen su^ellen, aintrachtikleich solchs fu^ernemens sein sich mit ernst umb den perg Go^ettweig anczenemen den oder ander besa^ess nagst daselbs umb gelegen zw irn hannden ze bringen vleis tuen und haben wellen. Seind wir aber auf des goczhaws vorder menig darlegen, so wir die vergangen iar von der veint wegen daselbs umb den perig Gott(weig) gelegen dem kloster zw behuettung damit zw vermeidung des landtz weitter ungemach und verdarben treulich getan haben, darzw auf die verda^erblichen scha^eden, so das kloster nach dem ha^echsten zusambt den encziehung seiner nutz und gult, die im in den nagstvergangen siben iaren nicht geraicht sind, herttiklich dadurch und in andern wegen enpfangen hat. Auch wider die anred etlicher ewr furstlichen gnaden ra^ette, so uns darumb zw Kornnewnburgk in dem nagstgehalten lanndtag daselbs angered haben, wie wir so^elchs darlegens und der gehalden so^eldner wol vertragen wa^eren gwesen, das wir doch alles und allain in mainung als vor beru^eert ist und in dem pesten getan haben von den nu^eczen, so das goczhaws u^eber die verkaufften verderbten entzogen gueter noch hat, chains darlegens zw solchem gewaltigen widerstandt der veint noch huldigung nach ander ausgeben gegen denselben nicht vermu^egen, darumb bitten wir ewr f. g. in andechtigem gehorsamen vleis uns als ewrn gnaden diemu^eetigen underta^enigen kappelan zw ratten, dabei mit tat und werchen gnediklich zw helffen und darauf durch ewrn gnaden schreiben bei dem boten aigenkleich zw wissen tun, wie wir uns auf solch oberu^eert und manigvaltig ander des goczhaws armut nach ewrn gnaden hilf rat und gevallen den veint zw widerstandt, damit dem lannd des pergs Gott(weig) halben zw gemach mit genugsamer behuettung desselben auch auf derselben veint anvodrung in huldigung ze tuen mit furtragunder antwurt und in allen andern wegen mit fu^ersechung dem goczhaws zw nutz und abkerung weitters verda^erbens halden sullen. Das etc. Ex monasterio Gottwicensi altera die post Scolastice virginis festum anno domini etc. im LXV. V. r. p. humiles et devoti exoratores frater Martinus abbas et conventus monasterii beate virginis in Gott(wico).

Source Fulltext: FUCHS, Göttweig II (=FRA II/52, Wien 1901) S. 637-638