Wir Fridreich etc. embietten den . . edlen unnsern lieben getrewen allen und ÿeglichen unnsern hawptlew^etten lanndtmarschalhen graven freÿen herren ritter und knechten phlegern burckhgraven rottmaistern dienstlew^etten burgermaisteren richtern ra^etten burgern gemainen und allen anndern unnsern ambtlew^etten undertanen und getrewen, den der brieff gezaigt oder verkhundt wirdet, unnser gnad und alles gu^et. Wir lassen eu^e wissen, das zwischen unnser und der edlen unnser lieben getrewen Vlrichen und Wolff sein su^en freÿherren zu Graffenegkh, Jorgen und Fridrichen von Pottendorff, Hainrichen und Jorgen von Půchaim ain ganntze bericht und frid¹ gemacht und der krieg aufgehebt ist, und emphelhen eu darauf ernstlich und wellen, das ir die bemellten von Graffenegkh, Pottendorff und Puechaim und die iren daruber nicht weitter bekriegt noch beschedigt, sonnder die obberu^ertten frid und bericht gen in und den iren halldet. Daran etc. Geben zu Wienn an phintztag vor dem sontag reminiscere in der vassten anno domini etc. LXXVII, unnsers kaisertumbs im funffundzbaintzigisten jare.

Source Fulltext: FUCHS, Göttweig III (=FRA II/55, Wien 1902) S. 101-102