Ich Chunrat Dachssner zu Merckersdorff lass den erwirdigen und geistlichen herren namen^a den abbt zum Gottweig wissen von meiner knaben wegen, den die ewren abgetzogen meine regisster genomen und zurissen, auch gellt genomen und mein huntt erslagen haben, darumb ich ew menigermal geschriben und uber sew geklagt hab, aber mir hat kainerlai auszrichtung von ew nie gedeichen, noch darumb bechomen ku^ennen. Darumb so will ich ewr und aller der ewren abgesagter veint sein mitsambt den gu^etten lewtten, so ich auf ewren schaden aufbringen mag und mit namen hernach geschriben steen bei tag und nacht, bie ich des bechomen mag. Und ob ich und die gutten lewt ainicherlai pebarung mer gegen ew und den ewren bedurffund wa^eren, so wellen wir das alles hie mit disem meinem brieff getan und unnser er und gelimphen pebart haben. Datum Markersdorff under meinem Chunraden Dachssner furgedruckten petschad an mitichen sannd Bêrtlmes abend anno domini etc. LXXX.||
Wolfganng Dachssner, Vlrich Kewschacher von Kewschach, Ernnst Stockharner von Stockarnn, Steffan Puchspa^em, Hanns Niempschi, Hanns Slesinger von Klenicz, Habolle vom Radolcz, Jorg Schieffer von Po^elan, Kolman Wurmpach, Peter Reindl, Procob von Ferbowetz, Jorg Kettner, Jorg Pola^eckh, Lionnhart Winter. Caspar Ro^emdl. Hanns Rasstenfellder, Hanns Kegkh, Wolfl Strew^essl, Anndel Zierstorffer. Wolfganng Tiem, Jorsigkh vom Holtz, Wolfgang Wurtzpach, Peter Trummetter, Kolbl Schewbelweber, Hanns von Drigla, Ja^ene Ta^emisch, Vincencz Frantzinger, Klain Anndel, Christoff Rumppf, Wolfganng Ernnst. Steffan Taniel, Martzin Swartz von der Stain, Hanns Tewffl, Jorsickh Slanneho, Paul von Drosendorff, Bernschii Wolschi Zetterschiczii, Jorg Hermlweis, Steffl Vetter, Kolbl Speibenka^es, Hanns Schiech. Ru^eeplein, Bernhart Allter, Zirfu^eesz Wŷmmer, Hanns Lauffpald, Toman Mulperger, Cristoff Smidl, Steffl Reissenzaw^en, Jorg vom Deschen, Steffan Prenner.

Source Fulltext: FUCHS, Göttweig III (=FRA II/55, Wien 1902) S. 158-159