Wier hernachbenanten mit namen Pawl Go^ezinger burger, des rats zw Sand Po^eltn, Vlrich Schaitter, des von Rar ambtman zw Ra^eckleinsdorff, Hanns Khuckhinger von Schawing, Peter Scha^epa^eser von Hugling¹ unnd Steffan Mair von Fliensdarff wier bechennen all ainhelligklich, das zw unns khemen ist der Pa^ewl No^eppl von Fliensdarff und unns mit fleiss gepetten, das wier das pehawst guet mit seiner zwegeherung zw Fliensdarff, das dann derselb Pawl No^eppl y^ecz pesiczt, trew^elich scha^eczen sollen, wie vil des wert ist, so well er seinem khu^endt genant Pa^ewl seinen tail an dem haws mit grundheren hannden vergu^eettn. Also haben wir angesehen sein vleisig bete unnd dasselb pehaw^est gu^eet trewlich gescha^eczt umb achtundzwaizig phunt pfening. Die sol das benant khindt berieblich auf dem haws habm und der penant Pa^ewl No^eppl sol auch besunder zwsambt den achtunndzbeinzig phu^endt d. bezalen seiner swiger gesch^eafft vierczehen schiling d. anlat und ablait und alle zerung, so darauf gangen ist. Des geben wier hie mit unser khuntschafft untter unnser obenanten Pawl Gozinger und Vlreich Schaitter auffgedructen petschaften. Das bezewgt dwrich unser vleisig bete der erber Peter Wirsing, statschreiber zw Sand Po^elten, mit seinem aufgedructen betschadt doch uns und unseren erben an schaden. Geben am sambstag vor oculi in der vastn nach Christi gepuerdt virzehenhundert und im neynundnewczigisten jaren. 

Original dating clause: am sambstag vor oculi in der vastn

Language: Deutsch

Notes: