Notum sit omnibus christi fidelibus tam presentis temporis quam futuri, quod ego Liupoldus dei gratia dux austrie controversiam inter monasteria Sancte Crucis et Sancti Cholomani Medeliche super decimis grangiarum Drumawe, Talaren, et vinetis eorundem fratrum de Sancta Cruce in parrochiis Medeliche et Drœschirchen post multos conventus super eodem concambio licet incassum habitos ex precepto domini apostolici Alexandri et consilio domini Theobaldi Pataviensis Episcopi anno ab incarnatione domini Millesimo. C. LXX. VIII. Indictione VI. cum hereditarius utriusque loci essem advocatus, hoc fine tandem terminavi; Abbates eorundem monasteriorum Heinricus de Sancta Cruce et Cho^vnradus de Medeliche post longam conflictationem tandem XIII. kalendas Julii Cremis in ecclesia sancti Viti in hoc consenserunt, et consensum eundem cum fratribus suis presbiteris, qui in presentiarum erant, utrimque positis dextris super altare sancti Viti roboraverunt, ut fratres de Sancta Cruce pro decimis grangiarum et vinearum supranominatarum, quas idem fratres Sancte Crucis XL fere annis ex privilegio Inocentii Pape II. quo muniti esse dinoscuntur, non solverant ad roborandam utrimque in posterum fraterne karitatis concordiam fratribus Medelicensibus, ad quos eedem decime ante fundatum Sancte Crucis sepedictum monasterium attinebant, darent predia, que cum omnibus pertinentiis suis ea libertate et justitia, qua illis servierunt, videlicet libera ab omni exactione publica singulis annis solvent X. talenta. Stallaren X. mansus et III. curtes. Mertinsdorf V. mansus. Flazlansdorf VIII. mansus et dimidium. Perngersdorf II. Porantsdorf II. Ro^vprehtdorf II. Et hec quidem compositio habita est de his, que fratres Sancte Crucis in presenti possidebant. Ceterum, ut magis et magis inter predicta monasteria pax et karitas conservetur, si quid predicti fratres Sancte Crucis quoquo modo obtinuerint ab hinc procedente tempore, de quibus jam dictis Medelicensibus decimationes fuerint exsolvende, de ipsis quoque aput ipsos component. Vt autem hec omnia rata et inconvulsa in perpetuum usque permaneant, que facta sunt sigilli nostri inpressione roboramus. Hujus rei testes sunt per aurem tracti Cho^vnradus comes de Pilstein, Heinricus comes de Skalahe et Sigehardus frater ejus, Heinricus comes de Plagen, Otto de Lengenbach, Odalricus de Asparn, Crafto de Amezinspach, Albero de Chunringen et Hademarus filius ejus, Albero de Wichartsslage et Wichardus frater ejus, Wichardus de Seuelde et Chadoldus frater ejus, o^vdalricus de Stauze, Hugo de Ottensteine, Iremfridus de Gnanendorf, Albero de Minnenbach et Ro^vdegerus frater ejus.

Source Fulltext: WEIS, Heiligenkreuz (=FRA II/11, 1856) S. 11-12