Ich Alhait Hern Otten von Wildek Wittib, ich Hertneid, ich Ott, ich Chadolt vnd ich Alber ir svn, veriehen vnd to^en chunt allen den, die disen prief lesent oder ho^erent lesen, die nv lebent vnd hernah chvnftig sint, daz die clag vnd den chrieg, den vnser vater her Ott von Wildek, dem got genad het hitz dem heiligen Chreutz vmb vier phvnt geltes, die da ligent ze Maustrenk vf drin lechen, haben gentzliche vnd gar ab gelazzen durch got, swaz halt wir reht vnd ansprach dar zue hieten, vnd ouch dar vmb, daz man vnsers vater Sel dester fleizichlicher gedench in allem irm gebet, als si gewonhait habent. Vnd dar vmbe ze einer bessern Sicherhait geb wir in disen prief ze einen gezeug versigelt mit vnsern Insigeln. Dieser prief ist gegeben ze Wienne, do man zalt von Christes geburt Dreutzechen hvndert Iar, dar nah in dem vier vnd zwainzichisten Iar, an vnser frowen tag in der vasten.

Source Fulltext: WEIS, Heiligenkreuz (=FRA II/16, 1859) S. 100