Wir Friderich von gotes gnaden Romscher kvnich, allzeit ein merer des Richs, tun chunt mit disem prief allen, di in ansehent, lesent oder horent lesen, daz wir den erbern vnd geistlichen luten dem Abt vnd der Samnunge zu dem Heiligen Chrutz durch got luterlich vnd durch vnser sel hail willen geben haben vnd geben reht aigenschaft der dreir Schillinge wienner phening gulte, die Chvnrad der Schonnchircher in reht vnd redlich mit vnser gunst ze chouffen geben hat vnd di von vns lehen sint gewesen von des hertzogentumes wegen zu Osterreich. Vnd geben in ze ainer bestetigunge derselben aigenschaft disen brief versigelt mit vnserm insigel. Der ist geben zu dem Hailigen Chrvtz des Fritags nach sand Johans tag, ze Sunnbenden, da man zalt von Christes geburd dreutzehen hundert iar vnd darnach in dem Nevn vnd zwainzgisten iar, in den fumftzehenden iar vnsers Richs.

Source Fulltext: WEIS, Heiligenkreuz (=FRA II/16, 1859) S. 125