Ich Thaman der Meczenpekch und ich Katrey sein hausfraw und unser payder erben vergechen offennleich mit dem brieff, daz wi^er uns verczeichen aller czw^espru^ech und inred, nichts ausgenomen, alz wi^er dan maintten ze haben hincz den erwirdigen geistleichen herren, hern Hannsen dem abt und seinem convent czw^e dem Heyligen Krew^ecz, also daz mi^er und den mein die vorgenanten herren scholten geben ain geltbrieff ainer sum geltz, als se von mi^er und den mein gehabt haben. Das habent sew also getan und der warrten, das die handlung und verczeichung hinfur ewigkleich stet und unczprochen peleib, so verpint ich mich und die mein mit unsern trew^en ungeve^erleich under mein anhangunden insigel und hab auch darczw^e gepetten den erbern Niclassen Lewpoltsstorffer, daz er der sach geczewg sey mit seinen anhangunden insigel, im und seinen erben an schaden.||
Der prieff ist geben nach Kristi gepurd tausent ja^er und vierhundert und darnach in dem dreyssigkisten jare, des sunta^egs nach Allerheiligentag.