Ich Hanns Tuchel czw^e Preinsfeld und ich Agnes sein hausfra^aw, ich Philipper und ich Katrey sein hausfra^aw, der yczgenanten Agnes rechtte swester, bekennen offennleich mit dem brieff, daz wi^er uns anne^amen umb Henslein, der czu^e seinen beschaiden iaren nicht komen ist, Jacob des Mu^erren, dem Got genad, unsers seligen pru^eder, vergechen fur all unser erben und miterben und tun kund allen, den er furkumpt, gegenburtigen und kunftigen, daz wir uns verczigen haben und fu^erczicht getan und verczeichen uns auch recht und redleich in chraft des briefs alle der czw^espru^ech, vadrung, warttung und gerechtikait, so wir gehabt haben hincz Hanns im Hoff, Anna seiner hausfra^awn und iren paiden erben, die des egenanten Henslein des Murrer rechtte mu^eter ist, von alles des eribgu^ets und varund gu^etz wegen, wie daz genant oder wo daz gelegen ist, nichtz ausgenomen, alles hie inne beslozzen, so der obgenant Jacob sa^elig der Mu^err hinder ym lazzen ha^et, in der beschaidenhait, das wi^er hincz inn noch hincz allen yren erben nymermer chain ansprach, vadrung, warttung noch gerechtikait nicht haben noch gewinnen sullen, weder mit recht noch an recht, in chainerlay weis angeve^ar. Darumb wi^er willichleich nach rat frumer lewt, die hernach geschriben stent, haben eingenomen ain halbs lechen leibgeding, daran uns wol genu^egt hat. Die verczeichung und die sach habent gemacht pruder Larencz, die czeit bursner des gotzhaus czum Heiligen Kre^awcz in Osterreich, und die vier Pertl czw^e Preinsfeld, Cholman Aphel, Seyfrid Aphel, ped doselbs, und Hanns Mullner an der Gaizmu^el.||
Daruber czu^e einer ewigen wa^eren urkund der sach geben wi^er in den brief. Wenn wi^er aigen insigel nicht enhaben, so haben wi^er vleizzigchleich gepeten den erbern Paulln von Malabicz, daz er sein insigel an den brieff gehangen hat, im und seinen erben an schaden, darunder wir uns verpinden mit unser tre^awn angever, alles daz stet czu^e haben, daz an dem brieff geschriben stet, der geben ist am Swarczen Su^entag in der vasten, nach Kristi gepu^erd vierczehenhundert jar, darnach ym ains und dreisskigsten jare.