Ich Peter Stubne^ar, purger zu Medling und dizeit ambtman des gotshauss zu dem Heyligen Krewcz, bekenn offenlich mit dem brief, daz fur mich cham, do ich zu recht saz, der erber herr her Albrecht, zu den zeiten hofmayster zu Talaren, und klagt vor mein mit vorsprechen und seinem weise^ar auf die nachbenanten weinge^arten umb versessen di^enst, die man dem obgenanten gotshaus davon phlichtig we^ar, nach innhaltung eynes briefs, den er auch fur recht bracht und verhort ward, des zu recht kuntschafft genu^eg was, von erst auf ainn weingarten, den Ann die Honestorfferin inn hiet, gelegen bey Talaren in dem Neun Staynpuhl, des do sind drey lang grefft, umb ayn halb phunnt gelts versessens di^ensts vier gancze jar; item auf zwen weingerten gelegen daselbs, die Magdalen, Hannsen des Huebe^ar hausfrau zu Gumpolczkyrichen inn hiet, des aynn sind sechs lang grefft, umb ayn phunt gelts, des andern sind zwo lang grefft, umb achczigk phenning gelts versessens dinsts; item auf aynn weingarten gelegen daselbs, den Taman Czeller zu Gumpolczkirichen inn hiet, des do sind vier lang grefft, umb fumff schilling und czehen phenning gelts versessens di^ensts; item auf aynn weingarten daselbs, den Hanns der Freynt zu Gumpolczkirichen inn hiet, des do sind zwo lang grefft, umb achczigk phenning gelts versessens di^ensts; item auf aynn weingarten daselbs, den Michel Wynn Nagel zu Gumpolczkirichen inn hiet, des do sind vier chuercz grefft, umb drey schilling und vierczehen phenning gelts versessens dinsts; item auf aynn weingarten daselbs, den Hanns Graf zu Gumpolczkirichen inn hiet zway jar und nicht gwer emphangen hiet, des do sind zwo lang grefft, umb achczigk phenning gelts versessens di^ensts; item auf ayn weingarten daselbs, den Hanns Aynsteter zu Gundramstorf anstat Hannsen des Platan als gerhab inn hiet, des do sind fumfthalben lang grefft, umb sechs schilling gelts versessens dinsts. Und klagt der obgenant her Albrecht auf die benanten weinge^arten umb die versessenn di^enst, die er davon an recht und an klag nicht bekomen kund, und pat gerichts und fragen, was recht we^ar. Do fragt ich, und ward erchannt, ob ymant zu dem rechten geladen we^ar, den solt man vordern auf antwu^ert und gesche^ach darnach, waz recht we^ar. Do vordert ich die egenanten Annen die Honestorfferin, Magdalen, Hannsen des Hueber hausfrawn, Taman den Czelle^er, Hannsen den Freunt, Micheln Wynn Nagel, Hannsen den Grafen und Hannsen Aynsteter anstat Hannsen des Platan, den man allen daz furbot zu rechter zeit gesagt het, daz mit dem fronboten bewe^ardt ward, und cham yr chayner auf antwu^ert noch nymant an yrer stat, der es verantwurten wolde. Do klagt der vorgenant her Albrecht furbaz all sein rechtte^age vollen, als verr und solang, daz sich alle furbot all rechtte^ag vergiengen und gancz aus warn nach lanndes und grundes rechten und nymant auf antwuert komen woldt. Do pat der oftgenant herr Albrecht fragen, was nun recht we^ar. Do fragt ich, und ward erchanndt und geurtailt zu recht, seyndtemallen sy all zu allen rechtte^agen geladen we^arn und yr chayner nye auf antwu^ert chomen we^ar und her Albrecht ain brief furbracht hiet, der auch zu allen rechtte^agen verhort we^ar warn, der do inn hielt, welher sein di^enst, als oben benent ist, nicht je^arleich raihet zu rechter zeit, desselben tailes solt sich daz gotshaus zu Heyligen Krewcz underwinden an klag und unberecht, so solt sich her Albrecht an des gotshauss stat der obgenanten weinge^arten underwinden und dem gotshaus zuziehen ze nuczen und zu nyessen und allen yren frumen damit zu schaffen, wie es dem gotshaus am pessten und nuczlich fuegsam we^ar, und solt ich im und dem gotshaus des mein gerichtsbrief geben. Das hab ich getan mit urkund des briefs mit meinem anhangunden insigil.||
Geben nach Kristi gepurd vierczehenhundert jar, darnach in dem vier und dreissigistem jar, an montag nach sand Ambrosii tag des heiligen bischoff.