Wir pruder Hainreich abbt und der convent gemain dez chlosters zw dem heyligen Krewcz in Osterreich bekennen offennleich in kraft des brieffs, daz wir pruder Marquarten, unserm mitpruder und oberisten kelner, ganczen gewalt haben gegeben und geben auch hinfur ze thuen und ze lassen, was unser vorgenanten gotzhaws natdurft beruret, ynner lanntz oder ausser lanntz, wie sich dew zach gebent, es sey mit chlag, mit antwurt, und mag auch dye chlag und antwurt aynem andern auffgeben, zw gewin und ze verlust, von wegen unser gueter und lewt ze geleicher weysz, alz wir selber gegenwurtig do wern, ausgenomen dye grunt nicht ze verseczn noch ze verchawffen.||
Mit urkund des prieffs, besigelt mit unsern payden anhangunden insigeln.||
Geben nach Kristi gepurd virczehen hundert jar, und darnach in dem sechs und dreysigisten jare, an palm abent.