Ich Taman Reidegke^ar, gesessen ze Rietentall, und ich Elspeth sein hausfraw bekennen fu^er uns und all unser erben und tu^en kund offenlich mit dem prieff allen lewten, ye^acz lemptigen und fu^erbas ku^enftigen, den der prieff fu^erkumbt oder geczaigt wi^ert, das wi^er mit gu^etem willen und wolbedachtem mu^et und zu der zeit, do wi^er es mit recht wol getu^en mochten, und mit amptmans handen des erbern mannes Kristanns Perendorffe^ar, die zeit richtter und pergmaister ze Winden, recht und redlich verkauft und abczelo^esen geben haben mit rechtter fu^erczicht funff viertal weingarten mit irer zugeho^erung daselbs, gelegen ze Fu^erholcz, dy^e mich obgenante Elspeten von Stephan Rechinge^ar, meim lieben pruede^ar, anerstorben sind und wartunde^ar erb gewesen pin. Dy^e vorgenanten funf viertall weingarten mit allen den eren, rechten und nu^eczen, damit si in pu^erkrechtz gwe^ar herpracht und von alter her komen sind, haben wi^er recht und redlich verkauft und abczelosen gegeben mit rechter fu^erczicht dem erbern manne Mertten dem Fleischakche^ar, purger ze Prugk bey der Leitta, Kathrein seiner hausfrawn und i^ern paiden erben umb ain su^em geltz, der wi^er ge^anczlich ausgericht und peczalt sein ze rechten tegen an all sche^aden, also beschaidenlich, das der obgenant Mert Fleischakcher, Kathrey sein hausfraw und i^er paider erben mit den vorgenanten funf viertall weingarten sullen und mu^egen fu^erbas lediclich und freilich allen i^ern frumen schaffen mit inhaben, mit verseczen, mit verkauffen, schaffen, machen und geben, wem si wellent, an meinklichs i^errung und inve^all, wann wi^er fu^erbas dhain anspruch, vordrung noch wartung nymerme^ar darnach haben sullen noch wellen, wenig oder vill, in dhainerlay weiss. Das globen wi^er ste^at ze haben bey unseren trewn, ungeverlich. Wi^er sein auch darumb i^er recht gwer und scherm fu^er uns und all rechtlich ansprach, als scherms solichs kaufs und ablosen und pu^erkrechtz recht ist und des lands ze Ungern. Gieng in aber mit recht doran icht ab oder ob in icht krieg oder ansprach mit recht doran auferstund, von wem das we^ar, was si des schaden nement, den sullen und wellen wi^er in abtragen und wiederke^aren an i^er mue und sche^aden, und sullen auch das haben unverschaidenlich auf uns und auf allen unsern erbgu^etern und varund gu^et, wie die genant oder wo dy^e gelegen sind, nichtz ausgenomen, wi^er sein lemptig oder tod. Und das der kauf und ablosen fu^erbas ste^at und unczeprochen peleib, des ze urkund geben wir in den prieff, besiglt mit meins obgenanten Tamans des Reidegker anhangunden insigl, und wann ich egemelte Elspeth dy^e Reidegkerin aigen insigl nicht enhab, so hab ich mit vleizz gepeten den edlen Jorigen den Alberndorffe^ar, das er sein insigl an meiner stat an den prieff gehangen hat, im und sein erben an schaden, darunder ich mich verpint bey mein trewn, alles das war ze halten, was der prieff innhalt, und zu zeugnuss der obgeschriben sach hab wi^er mit vleizz gepeten dy^e erbern weisen, den purgermaiste^ar, richtern und rat der stat ze Prukch bey der Leitta, das si i^er stat insigel an den prieff gehangen habent, in, ir erben und der stat an schaden.||
Geben nach Christi gepu^erd vierczehenhundert jare, darnach in dem suben und dreissigisten jar, an freytag nach sand Merten tag des heilig pischolff.