Ich Machor der Trakchenberge^ar bekenn anstat Cristein meiner lieben hausfraun, Merten des Ho^echstleins, junkfrawn Barbaren conventsweste^ar des kloste^ars zu Kirchperg, die alle geswistreid und weilent Micheln des Ho^echstleins, meins swehe^ars, kinder gewesen sind, der aller gewalt ich hab, und auch anstat Merten Steffans des Hochstleins, irs prueders seligen kind, daz noch ungevogt und zu seinn beschaiden jarn nicht ko^emen ist, dafu^er ich mich wissentlich annymb, und tu^en kund offennlich mit dem brief allen, den er furku^embt, von wegen aller der zu^espru^ech und vordrung, so ich anstat der egenanten geswistreid und des vorgenanten Steffans des Ho^echstleins, irs brueders seligen, zu dem ersamen geistlichen herren hern Hainreichen abbt zum Heiligen Kre^aucz gehabt hab von ains hauss wegen, das weilent des egenanten Micheln des Ho^echstleins gewesen ist und nu^e yecz der Po^eltl, wi^ert im padhaus zu Paden, in nucz und gewer hat und weilent Paul Ekchart, der dieczeit des obgenanten gotshauss zum Heiligen Kre^aucz ambtman gewesen ist, in desselben gotshauses gruntpu^ech ververttigt und u^eber dieselb ve^arvertigung abbt Hanns, des obgenanten abbt Hainreichs vorvoder, den kauffbrief u^eber daz egenante haus mit sigeln beste^att und bekrefftigt hat, umb dieselben sachen all uns paid tail, die edeln vesten ritter her Rapper vom Rosenharts, her Albrecht der Sweinwarter, Hanns der Stokcharne^ar, undermarschalich in O^esterreich, und Hanns der Walich, anwalt des rats der stat zu Wienn, darumb wir hinder sew zu schidung gegangen sein, durch spru^ech ge^anczlich entschaiden und veraint habent nach ausweisung der spruchbrief baiden tailen darumb gegeben. Wann aber mir anstat der egenanten geswistreid und ihres vetern der vorgenant her Hainreich abbt zum Heiligen Kre^aucz auf den egenanten spruch ain ganczs benu^egen getan hat, daran mich anstat derselben geswistreid und irs vetern wol hat benu^egt und hinfu^er benu^egen sol, davon gelob ich dem egenanten hern Hainreichen abbt zum Heiligen Kre^aucz, dem convent gemain daselbs, allen irn nachko^emen und auch allen den irn und verpind mich anstat der egenanten geswistreid, des egenanten Merten, Stephans des Ho^echstleins seligen su^en, irs vetern, und ir aller erben und miterben gen in mit meinn trewn wissentlich in kraft des briefs, also das dieselben geswistreid, ir veter und all ir erben und miterben noch ander yemands von irn wegen nu^e fu^erbaser hincz in von der verttigung wegen des egemelten hauss und aller scheden dhainerlay zu^espru^ech noch vordrung nicht mer haben noch gewynnen sullen noch wellen, weder mit geistlichen noch weltlichen rechten, mit worten noch mit werhen, haymlich noch offennlich, in dhain weise, an all arglist und geve^ard. We^ar aber, daz in oder den irn icht krieg oder ansprach darumb auferstu^enden, des sy schaden ne^amen, daz alles sullen sy haben zu mir, den egenanten geswistreiden, irm vetern und irn erben und miterben unverschaidenlich und auf allem unserm guet, erb und varend gu^et, daz wir haben in dem land ze O^esterreich inner und auser lands oder wo wir es haben, wie daz genant ist, nichtz ausgenomen, wir sein lebentig oder tod. Und daz die sach nu^e fu^erbaser also ste^at und unczebrochen beleib, des zu ainer warn urkund gib ich anstat der egenanten geswistreid, irs vetern und ir aller erben und miterben dem egenanten hern Hainreichen abbt zum Heiligen Kre^aucz, dem convent gemain daselbs, allen irn nachko^emen und auch allen den irn den brief, besiglten mit der erbern Jo^ergen des Prunntale^ar und Hannsen des Ravenspurge^ar, baider burger zu Wienn, anhangunden insigeln, die ich zu geczeugnu^ess der sachen mit vleiss darumb gepeten hab, in und irn erben an schaden, darunder ich mich anstat der vorgenatnen geswistreid und irs vetern Merten mit meinn trewn angeverd verpind, ste^at zu halten, so vorgeschriben stet.||
Geben zu Wienn an montag nach sand Pauls tag conversionis, nach Cristi gepu^erd virczehenhundert und in dem ne^awn und dreissigisten jare.