Ich Thoman Wisent, die zeit des rates zu^e Kloster Newnburg, vergich fur mich und all mein erben und tu^en kund o^effenleich mit dem brief allen, den er furchumpt, das ich mit gutem willen und wolbedachtem mu^et zu^e der zeit, da ich es wol getu^en mo^echt, und mit handen des erwirdigen geistleichen herren abbt Hainreichs die zeit abbt zu^e dem Heiligen Chre^autz verchauft hab ainen weingarten, der Kathrein, Hansen des Zirnast meines bruders hausfrawen seligen, gebesen ist, der mir von derselben fraw^en Kathrein nach ausweisung des satzpu^echs phentleich versatzt ist warden und den ich darnach mit dem rechten anerlangt und pehabt hab, und ligt derselb weingarten zu^e Gumppoltskirchen, genant der Egkprecht, zenachst der Deutschen herrn von der Newnstat weingarten, der do haisst das Hola^eussel, mit aim rain. Vo^en dem vorbenanten weingarten man jerleichen dint den erwirdigen geistleichen herren datz dem Heiligen Chre^autz drew^e virtail weins in dem lesen var dem weingarten ze perkrecht und nicht mer. Den vo^ergenanten weingarten hab ich recht und redleich verchauft und geben mit allen den nwtzen und rechten, als der von alter unversprochenleich in perkrechts gewer herkomen ist, umb ains und dreissigk phunt Wyenner phening, der ich gantz verricht und gewert pin, dem erbern mann Hainreichen dem Ho^eppher ze Gu^emppoltskirchen, fraw^en Johannen seiner hausfraw^en und irer baider erben furbaser ledichleich und freileich ze haben und allen iren fru^emen domit ze schaffen mit verkauffen, versetzen, schaffen, machen und geben, wem si wellen, an alle irrung. Ich pin auch mit sambt allen meinen erben unverschaidenleich des vo^ergenanten weingartens ir recht gewer und scherm fu^er alle ansprach, als perkrechts und landes zu^e Osterreich recht ist, und wer aber, das in icht krieg oder ansprach daran au^eferstuenden, vo^en wem das we^ar, mit recht, was si des schaden nehmen, das sullen wir in alles ausrichten und widercheren an allen iren schaden, und su^ellen si das haben zu^e mir und meinen erben unverschaidenleich und auf allem unserm gu^et, das wir haben in dem lande ze Osterreich oder wo wir es haben, wie das genant ist, nichts ausgenomen, wir sein lebentig oder tad.||
Mit urkund des briefs, besigilt mit meinem anhangundem insigel und mit des erwirdigen geistleichen herren abbt Hainreichs, abbt zu^e dem Heiligen Chreutz, anhangundem insigeln. Der sach ist getze^aug durch meiner fleizzigen gepet willen der erber weis Erhart Haiden, die zeit ainer des rates zu^e Perchtoldstorff, mit seinem anhangundem insigel, im und seinen erben an schaden. Geben an phintztag var sand Bertelmes ta^eg, nach Kristi gepu^erd virtzehenhu^endert jar, darnach in dem ne^awn und dreisskisten jare.