Ich Larenntz Swanntz, burger zu Wyenn, und ich Barbara, Hannsen des Swanntz seligen wittib, bekennen fur uns und all unserr eriben und tun kund offenleich mit dem briff allen den, dy in lesen oder ho^eren lesen, dy nw leben oder hernach ku^enftig werden, das wir mit gutem willen und wolbedachtem mut, zu der zeit, da wir das wol getun machten, recht und redleich gegeben haben ain weingartten gelegen zu Medling auff Entzestorffer Stainveld mit ainen raynn zenachst dem weingartten, der zu der fru^emess zu Lengpach geho^eret, davon man je^arleich di^ent den geistlichen herren zu dem Heiligen Kre^autz an sand Michels tag fu^enfundzwaintzikch Wyenner phening und nicht mer, und geben auch den wissentleich in krafft des briffs lautterlich durch Gots willen zu der kirchen gen Lengpach, das er dapey ewikleich beleib, in so^elher ma^eynung, das herr Thoman Tra^etzler, zu den zeitten pharrer daselbs zu Lengpa^ech, und all sein nachko^emen von dem weingartten alle jar jerleich ainen ewigen jartag begen su^ellen albeg in den nachsten achtagen vor sand Niklas tag oder in den nachstku^enftigen achtagen darnach, angeve^ar, zu hilff und zu trost Hannsen des Swanntz seligen, aller seiner vordern und nachko^emen selen hails willen, mit solher ordnung: des nachts mit der großen vigilii und mit gesankch auff das grab und den psalm Miserere mei Deus etc. gepettet und des morgens aine gesungen selmess mit aufgestekchten prynnunden kertzen aus der zech, darumb der pharrer und sein nachko^emen genug tun su^ellen derselben zech nach lawtt des vorgenanten pharrer fur sich und sein nachko^emen verschreibung uns darumb gegeben. We^ar aber, das der obgenant pharrer herr Thoman oder sein nachko^emen pharrer daselbs an dem selben jartag sawmig funden wurden, also das sy den nicht begiengen in der zeit und weise, so vor geschriben stet, so su^ellen der pharrer oder sein nachkomen vellig worden sein in Unser Frawn zech daselbs, als lang sy das sawmen und nicht volpringen, alle wochen zway phunnt wachss.||
Und das das alles ste^at und unczebrochen beleib und darumb so geben ich obgenantter Larenntz Swanntz und ich obgenante Barbara der kirchen daselbs zu Lengpach den bri^eff, besigelt mit der erbern weisen herren Hannsen Scharffenperger, di tzeit des rats der stat zu Wyenn, und Ffridreichs des Gerunger, burger daselbs, anhangunden insigillen, in und i^eren erben an schaden, dy wi^er zu gezeugnu^ess darumb vleislaich gepeten haben, darunder wi^er uns verpinden, ste^at zu haben, das oben geschriben stet, angeve^ar.||
Geben zu Wyenn an Unser Lieben Ffrawn tag nativitatis, anno Domini M^o cccc^o lx^mo etc.