Livtoldus dei gratia. comes de Pleien. et Heilwirgis soror ipsius. omnibus presentem paginam inspecturis. salutem in vero salutari. Notum sit omnibus tam presentibus quam futuris, quod Wernhardus cognomine Zwech. et perhta vxor ipsius. de voluntate et consensu. et per manum. venerabilis Pataviensis. Episcopi. Gebehardi patrui nostri. et de nostro consensu et voluntate. predium quoddam in Chambe situm. ecclesie Sancti Georgii. contulerunt. iure perpetuo possidendum. tau conditione interposita. vt predicto Wernhardo et vxori sue a predicta ecclesia annuatim assignentur. tanti valoris. quanti ualoris est predium quod ipsi ecclesie contulerunt. Si vero ipsos heredes habere contigerit. ipsis heredibus nichil de predicto predio persoluetur. Vt autem talis donatio dicte ecclesie rata et inconvulsa permaneat presentem paginam sigillo domini Episcopi. et nostro. decrevimus roborare. Huius rei testes sunt. Albertus de Possenmvnster. Pataviensis Canonicus. et Arcidus. Dietricus decanus sancte Agathe. Ortolfus plebanus de Hardekke. Rugerus plebanus. de Teraz. Ortolfus Canonicus. Sancti Georgii. Wernhardus de Schonliten. Ramvngus. Chunradus de Hvsekke. Albero de Vrivntsperch. Rvgerus nasel. Heinricus de Oberndorf. Heinricus de Wehsen. Engelmarus de Werde. Albertus frater suus. Acta sunt hec apud Hardekke. Anno domini M° CC^mo XXX^mo I° Pridie Idus Julii Indictione quarta.

Source Fulltext: BIELSKY, Sanct Georgen (=AÖG 9, Wien 1853) S. 289-290, Nr. 35