Wir Johanns Graue ze Schaunberg Lanndmarschalich in Osterreich Bekennen von der zuspru^ech vnd vordrung wegenn So die ersamen vnd Andechtigenn her loerig Abbt zu Vornpach vnd her vlreich Brobst zu sannd Anndre auf der Traisem hincz dem Ersamen hern Hannsenn Brobst zu Herczogenburgk maynt zu habenn vnd darumb sich Recht an heut vor vnser oder vnserm Anwalt vergangenn solt habenn nach lautt vnserer ladung, daz wir dasselb Recht von merklicher vnmuss vnd geschefts wegenn vnsers genedigenn herrn des Herczogen gelenngt vnd geschribenn habenn wissentlich mit dem brief vncz auf den Montag nach der heyligenn dreyr ku^enig tag schirist ku^enfftigen vnengolten yedem tail an seim Rechten Also das Dann baid egenant tail auf denselben tag her fu^er vns oder vnsern Anwalt komen So wirdet man Sy nach Innehaltung der egenanten vnser ladung geneinander verho^ern vnd yedem tail wideruarn lassen was Recht ist, Zugleicher weis als das heut solt beschehenn sein Welicher tail aber also nicht kem So wurde man dem andern dannoch Recht darumb lassenn erkennen. Mit vrkund des briefs. Geben zu wienn an Mittichenn nach vnserer liebenn frauntag Concepcionis Anno domini Millesimo Quadringentesimo Tricesimo septimo.

Source Fulltext: FAIGL, Herzogenburg (Wien 1886) S. 434