Ego Dyepoldus de Padem ad noticiam presencium et futurorum cupio pervenire, quod, cum pascua quedam videlicet prata sita circa hadwarsdorf in loco qui dicitur zwischen gengen michi iusto proprietatis titulo attinencia dno Ottoni quondam Newnburgensis Ecclesie Cellerario de bona voluntate domine Chunegundis uxoris mee et filie mee Reychkardis ac aliorum heredum meorum pro sex talentis denariorum wiennensium vendidissem cum omnibus suis iuribus perpetuo possidenda, vectura solummodo decem et octo curruum semel in anno fenum per vnius raste viam ducencium michi specialiter reservata, ipse dominus Otto de denariis predictis duo talenta tantummodo michi dedit, et quia de solucione residuorum denariorum, videlicet quatuor talentorum, usque ad transaccionem octo annorum non fui aliqualiter expeditus, me de predictis pascuis intromittere cogitabam, quod intelligens dominus Pabo venerabilis Newnburgensis prepositus et ad suam presenciam me vocato per arbitraccionem ydoneorum virorum tale inter ipsum et me medium est inventum vt pro solucione antedicta neglecta vnum talentum denariorum acceptarem, quodque pro redempcione vecture prefate tria talenta denariorum finaliter michi daret, filia quoque mea Reychkardis prefata sexaginta denarios recepit in signum renunciacionis tocius iuris sibi in predictis vectura et pascuis conpetentis. In robur eciam vendicionis huiusmodi me cum filia sepe dicta constituo defensores legitimos et tutores, et nichilominus ad maiorem cautelam et firmitatem omnium premissorum presentem literam, eo quod sigillo proprio caream, sigillis virorum nobilium dominorum 0. de haslowe, iudicis provincialis Austrie, H. de hovnveld et H. de Schonnowe procuravi muniri testibus infra scriptis, qui sunt Rudgerus offîcialis de Tetendorf, Myngoto iudex de Potendorf, Ekchardus de Walthersdorf, Rudgerus vogler, Eberhardus officialis de Pfafsteten, Leupoldus helndorfer , ludwicus, Ortolfus decimator, Otto iudex de Dreschirchen, dominus Fridericus de Erla miles, gebhardus not., Ortilo de Newndorf et alii plurimi fide digni. Datum Newnburge anno Domini M°CC°LXXXVII°. quarto Kal. Februarii.

Source Fulltext: ZEIBIG, Klosterneuburg (=FRA II/10, Wien 1857) S. 29