Ich Brueder Diederich, ze den zeit Abt, vnd wir den Sampnum des erbern Convents zer der Heiligen Chron veriechen - Daz wir - verchauffet hawen aht ember vnd ein viertail weins perchrehts, daz wir gehabt haben ze Neunburch in des Scheuchen gereut auf vierdhalben Jeuch Weinbachses Dem erbern manne, Cholmanne Burger von La vnd sein erben vmb fumf march leuttig silbers wienner gewichts, der sev vns gor vnd gaentzleich gewert hawent. Wir hawen auch vns desselben perchrehts furzicht getan mit vnser selber hanten, won wir sein selber stiphter vnd stewer gewesen sein - - - wowir daz selbe gůt vnserm Goteshaus alswo ze pezzrum hawen angeleget, da wir mer gůtes hawe, won wir an der stat ze Neunburch nicht mer gůtes gehabt hawen. - - Des geben wir - disen brizv ein worn zeug vnd zv einer bestaetigum diser sache versigelten mit vnsers Convents insigel. Der Brief ist gegeben, Ditz ist geschehen nach Christes geburt Dreutzehen Hundert Jar darnach in dem dritten vnd zwaintzigisten Jar an sand Lorentzen tag.

Source Fulltext: ZEIBIG, Klosterneuburg (=FRA II/10, Wien 1857) S. 193