Ich Dyetreich der Czistel, ampman meines herren von Liechtenstain vnd ich Elzbet sein Hausvrow, wir veriehen - Daz wir - Reicholf vnd sein hausvrow Alhait haben geben ze chauffen vnsern weingarten, der da leit ze naechst dem Eysengraben vnd der Judinne weingarten - also daz wir vnsers guts an sargen belaiden, vmb acht phunt phenning wienner munzz ze weren an sant Merteins tag, mugen aber si des guts nicht haben, so schullen si vns dienen alle iar ein phunt geltes an sant Merteins tag als diensts recht ist in Osterreich. Wer aver, daz man vns gebe halbs gut mit dem dienst, so waer dennoch nuer vier phunt, geben si vns aver ganczes gut mit dem dienst, so waer der weingarten gar ledich - Dez sint geczeuge Christan der sluzzler, fridereich, der heczman, Chunrat domiceller, Geren in der Cholergazzen - Der prief ist geben - Dreuzehen hundert iar dar nach in dem drev vnd zwainczigistem iar an sand Andres tag.

Source Fulltext: ZEIBIG, Klosterneuburg (=FRA II/10, Wien 1857) S. 196