Ich Alber von Pravnsdorf vnd ich Agnes, sein havsvrow wir veriehen - Daz wir - mit vnsers Perchherren hant, Probst Stephans von Newnburch verchauft haben vnsern weingarten, der da leit oberhalbe der Pevnt ze Chalnperge, des Drithalb Jeuch sint, vnd haizzet der Lengvelder - - vmb funfczehen Marckk vnvmb hunder marchk Lotiges silbers, ie zwen vnd Sibenczich grozze Pehemisch phenning fur ein iegleich March - Dem erbern Manne, Maister Fridreichen von Salczpurch - vnd dar vber durch pezzer sicherhait, so seczzent wir vns, ich Alber von Praunstorf vnd ich Agnes sein havsvrow vnd ich Thomas, zu den zeiten pharrer zu newnkirchen - - ze rechtem scherme - Vnd geben im darvber disen brief - - versigelten mit vnsern Insigeln, vnd mit vnsers Perchherren Insigel Probst Stephans von Newnburch, vnd mit herrn Wy\echartes Insigil von Toppel, zu den zeiten lant Richter in O^esterreich - - vnd sint auch des geczeug: her Jans von Sierndorf, her Jans der Schench, her Gerung von Newnburch, her Dietreich der Schiver, her Chvnrat von Nuzdorf, Stephan der Chrigler, Durinch von Seveld - - Der prief ist geben ze Wienne - Dreuczehen hundert Jar, In dem vier vnd zwainczigisten Jar darnach an sand Merteins tage.

Source Fulltext: ZEIBIG, Klosterneuburg (=FRA II/10, Wien 1857) S. 210