Ich Hermann, Hermannes svn von Grassawe vnd ich Margret sein hausfrawe wir vergechen offenleich - daz wir - vnsers rechten halbez lechen, daz wir ze lechen von dem Goteshaus ze Neunburch gehabt haben daz gelegen ist ze Rekleinstorfze nachst Rueschleins lechen des cherenpauches verchauffet haben - dem beschaiden manne walthern ekhartes svn vnd seiner hausfrown katrein vnd irn erben vmb sechczehen phunt wienner phenning - vnd die selben lechenschaft desselben halben lechens haben wir durch vnser vnd vnserr vodern sel willen gegeben auf vnser vrowen alter hincz Neunburch chlosterhalben. Also beschaidenleich, daz der vorgenant Walther vnd sein hausvraw Katrei vnd ir erben - Sullen furbas alle iar ia\erleich da von dienen an sant Gorgen tag fumfczehen phenning wienner mu^enzz ze rechtem Purchrecht - Dor vber - geben wir - disen prief versigelten mit vnserm insigel. Des sint gezeuch Die ersam Ritter her Jans von Stokcherawe. her Ott der Zendel. her Ortlieb sein svn, her Gervnch der chol. her Dietreich der schifer. Dvrinch von Mawerling vnd ander erber leut genuech. Der prief ist geben - Dreuczehen hundert iar darnach in dem Sechs vnd zwainczigistem iar an sant philippes tag.

Source Fulltext: ZEIBIG, Klosterneuburg (=FRA II/10, Wien 1857) S. 220