Ich Michel der Syrndorfer, zv den zeiten amptman des Gothaus ze Nevnburch vergich - daz die erber vrowe vro Pericht, des Seligen Chvnrates des Domiceller witibe hat wedacht vnd wetracht die lieb, die ir vorgenanter Wi\ert hat gehabt, da er dannoch lebt, zv meinen Herren, den ChO^erherren ze Nevnburch, als er iz mit dem Werichen hat erzaiget, vnd hat auch dar vber wetracht die gnad vnd die lieb, die mein Herren hin wider gen i\er vnd gein iren frevnten habent, daz auch sev wol habent erzaiget, vnd hat Recht vnd Redleichen ze vordrest durich Got vnd vnser vrowen ze eren, vnd i\er Sel ze trO^est vnd ze hail mit gu^eter gunst ir erben vnd aller i\er frevnt - geben dem vorgenanten vnser vrowen Gothaus ze Nevnburch iren weingarten, der da leit auf der Laimgrueb dez ein halbez Jeuch ist - Auch habent mein vorgenanten Herren div gnad i\er hin widergetan, vnd habent i\er den Selben weingarten gelihen vnd lazzen nu^er ze i\eren tagen - vnd wen si mit dem leben ist verschaiden, wen daz geschieht vor dem Lesen, so sol mein herre, der Probst ze Nevnburch halben wein auz dem Selben weingarten nemen, vnd i\er nachst erben den andern halben wein. Vnd ist fur baz der Selb Weingart dem Gotshaus ze Nevnburch ewichleichen gevallen an allen Chrieg vnd wider red ledich warden. - Vnd dar vber gib ich dem Gotshaus ze Nevnburch disen prief zv einer ebigen Sicherhait versigelt mit meinem Insigel, vnd mit Christans des Sluzler insigel, vnd mit Gebhartes in Sigel des alten Richter, vnd mit Symons, seines Svnes in Sigel. Der prief ist geben - Drevzehenhvndert iar in dem Siben und zwainczigisten iar an dem pallmtage.

Source Fulltext: ZEIBIG, Klosterneuburg (=FRA II/10, Wien 1857) S. 227-228