Ich Jans von Merperig vnd ich Margret, sein Hausvraw vnd vnser erben wir veriehen - daz wir - vnd mit vnsers Perchmaisters hant Petreins des Vreisinger recht vnd reddlich verchaufft haben Ein ewiges halb phunt Wienner pfening geltes der erbern vrown vren Margreten der nunnen ze sand Jacob vnd irr swester Vren Christein In des Chlosters spitol vmb fumf phunt wienner pfenning - Vnd nach vnserm tod So suln seu ez dien in des Chlosters Spitol, Da von man danne der heiligen Vrown sand Gerdrautten dreizzigk phenning geben sol zu irr Lampen, do von daz liecht gepezzert werd, Vnd die drey schilling den Siechen in daz spitol, do von ir phruent gepezzert wort, Also beschaidenlich, ist daz wir ez vor ehafter not versporn mugen, vnd wan ich ez vor manigen Jaren dargechaufft vnd gelobt han, e ich hintz Sande Jacoben chomen sey - versigelten mit vnsers Perchmaisters insigel Petreins des Vreisinger - Des sind gezeug Peter von sand Martern, Chunrad der Schmuchenpfenninch, Wernher vnder den Lauben, Chunrad der Schifer. Diser prief ist geben - dreutzehenhundert iar darnach in dem Nevn vnd dreizzikistem Jar des suntages ze Mitter Vasten.

Source Fulltext: ZEIBIG, Klosterneuburg (=FRA II/10, Wien 1857) S. 269-270