Ich Vlreich der Chnu^etel, der Schreiber, vnd ich Dymu^et sein hausvrow wir veriehen - Daz wir - mit vnsers Perchherren hant Pru^eder Nyclas von Regenspurch, zu den zeiten Comitevr des haus dacz sand Johanns in der Chernerstrasse ze Wienne verchauft haben vnsern weingarten, der da leit ze Grinczinge, da man alle iar von dient Sechs wienner phenning fu^er Perchrecht, fur voytrecht und fur zehent vnd nicht mer, vnd leit ze naechst des Chrephleins weingarten - vmb fumf vnd vierczich phunt wienner phenning - Dem Erbern Manne Pauln von Grinczingen vnd seiner hausvrown, vrown Gedrauten - Darumb so geben wir in disen prief - versigilt mit vnserm Insigil vnd mit vnsers Perchherren Insigil des vorgenanten Prueder Nyclas von Regenspurch vnd mit hern Perchtolds Insigil, des Gerstenpauchs vnd mit herrn Eberhartes Insigil, ze den zeiten Statschreiber ze Wienne - Diser prief ist geben ze Wienne - Dreuzehen hundert iar dar nach in dem Nevn vnd Dreizzigisten Jar an Sand Stephans tag in dem Snit.

Source Fulltext: ZEIBIG, Klosterneuburg (=FRA II/10, Wien 1857) S. 273-274