Ich Jacob vrawn Jeutten der Schreiberinne svn vnd ich katrey sein hausvrowe wir veriehen - Daz wir - mit vnsers Perchmaisters hern Petrein hant dez freysinger, zu den zeiten hofmaister des Goteshaus hie ze Newnburch verchauft haben ain phunt ewiger phenning gult auf vnserm halben Jeuch weinwachs, daz da leit in dem aeckerlein zenaechst Chunrat dem Czistel, Dem Erbern manne Gundolten in der walichgazzen vnd seiner hausvrown vrawn Agnesen - den man daz selbe phunt geltes von dem egenanten weingarten allev iar an sand Merteins tag dienn sol - auch haben wir - vrey wal‚ daz phunt geltes vnd dienstes ab zelO^esen vnd ze chauffen in dem Pu^erchvrid hie ze Newnburch auf ein eribe, ez sei Purchrecht oder Perchrecht, daz den dienst daz phunt geltes als wol getragen mu^eg - Des geben wir - disen prief - versigelten mit mein Jacobs Insigel vnd mit vnsers Perchmaisters hern Petreins des freysinger Insigel. Der prief ist geben - dreuczehen hundert iar, darnach in dem vierczigistem iar des Montags nach sand Gregorin tag.

Source Fulltext: ZEIBIG, Klosterneuburg (=FRA II/10, Wien 1857) S. 277-278