Ich Ott der Schekch vnd Ich Agnes sein Hausvrowe Veriehen - Daz wir - vnd mit vnsers amptmannes hant, des erbern Ritters hern Dietreichs von Chriczendorf recht vnd redleich mit fuerzicht verchauft haben vnser haus, da von man alle iar dient ze gruntrecht ein halbes phunt wienner phenninge, Sechczig phenning an sant Michels tag vnd sechczich phenning an sant Gorgen tag, vnd leit ze Newnburch in dem Grashof - dem erbern manne Ortolfen dem Sluzzler vnd seiner hausvrowen Reiczen - vmb hundert phunt vnd vmb zehen phunt wienner phenning - vnd geben in dar vber - disen prief versigelten mit vnserm Insigel vnd mit vnsers Amptmannes Insigel des vorgenanten hern Dietreichs von Chriczendorf, vnd mit der erbern Ritter Insigel hern Jansen des Chaelermaister vnd mit hern Purchhartes Insigel des chneuzzel, vnd mit hern Hainreiches insigel von Swaundekke - Diser prief ist geben - Dreutzehen hundert Jar in dem viertzigistem iar an sant Michels abent.

Source Fulltext: ZEIBIG, Klosterneuburg (=FRA II/10, Wien 1857) S. 280