Ich Chunrat von Meichsen, weiln Chellerschreiber, vnd Ich Elspet, sein hausvrow vnd alle vnser erben wir veriehen - Daz wir - gu^etleich vnd liebleich geebent habent vmb die zu^espru^ech, die wir gehabt haben hincz dem Erbern herren Brobst Ortolfen ze Newnburch vnd dem Convent daselbs vmb die Mess, die mein vorgenanter O^ehaim Jans der Chuchenmaister, dem got genad, gewidempt hat hincz sand Dorothe alter, vnd vmb alle andern zu^espru^ech, von gelts wegen mit priefen vnd an prief, die wir vnd vnser nachchomen haben scholten, Also beschaidenleich, Daz die vorgenant Mess fu^erbaz ewichleich gesprochen schol werden, als der prief sagt, den vns der egenant Brobst Ortolf vnd auch der Convent dar v\eber geben habent, vnd geben in dez ze vrchund den prief versigelten mit mein obgenants Chunrats des Chellerschreiber aigem Insigel, vnd mit meins Swager Insigel Prawn des weidner. Der prief ist geben - Dreuczehen hundert iar darnach in dem vier vnd sechczigistem Jar an sand Andres abent.

Source Fulltext: ZEIBIG, Klosterneuburg (=FRA II/10, Wien 1857) S. 413-414