In nomine Domini. Amen. Per presentes literas in formam publici Instrumenti redactas pateat vniversis, Quod ego Jacobus Decanus et Rector ecclesie parochialis in Asparn, patav. dioc. Litteras Reverendissimi in Christo patris et domini Alberti, Episcopi Patav, domini mei graciosi ejusque sigilli impressione sigillatas, michi pro parte venerabilium virorum, dominorum Cholomanni prepositi et Conventus Mon. Canon. Reg. Ord. s. Aug. in Newnburga eiusdem dioc. michi exhibitas, reverenter recepi, ut debui, in hec verba:||
Albertus Dei et apostolice sedis gracia Episcopus Pataviensis Dilecto nobis in christo Jacobo Decano et plebano in Asparn. nostre dioc. Salutem in domino. Cum venerabiles et dilecti nobis in christo prepositus et Conventus Mon. Newnb. ord. s. Aug. Canon. Regul. eiusdem nostre diocesis obligati in mediis fructibus vnius anni parochialis ecclesie in Kornnewnburg dicte nostre dioc. Solvendis Camere apostolice parati ad solvendum, medietatem huiusmodi ignorent penitus, prout generaliter per nostram nescitur diocesim, cui nomine dicte Camere apostolice sit huiusmodi et quevis alia racione beneficiorum ecclesiasticorum prefate nostre diocesis eidem Camere debita solucio facienda, Nos ipsorum, prepositi et Conventus obediencia considerata volentes ipsis super hoc, quantum possumus, de oportuno remedio providere, Dileccioni tue committimus et mandamus, quatenus de valore ipsius ecclesie solerter inquirens, medietatem ipsius nomine supradicte Camere apostolice ab eisdem percipias fideliter et conserves, donec constiterit, quibus vel cui huiusmodi fuerit solucio facienda, dolo et fraude cessantibus quibuscumque. Datum Wienne die X. Mensis Septembris Anno Domini Millesimo||
Trecentesimo Septuagesimo primo. Quibus per me lectis et attentis pro parte eorundem prepositi et Conventus michi fuit humiliter supplicatum, ut juxta earum tenorem super contentis in eisdem inquirerem et ea agerem. Ego filius obediencie de valore fructuum ecclesie parochialis in Kornnewnburg in supradictis literis nominate studiose inquisivi, et per inquisicionem ipsam mediante fide dignorum clericorum et laycorum testimonio in veritate conperi, omnes et singulos fructus ipsius ecclesie secundum presencia tempora se non posse amplius extendere, quam ad Nonaginta sex florenos auri communi extimacione. Quibus per me sic conpertis prefati prepositus et Conventus apud me Jacobum Decanum||
predictum Quadraginta tres florenos auri deposuerunt et dixerunt, quod dominus Chuno dictus Seydenfadem, Rector ecclesie in Kornnewnburg supradicte in Romana Curia solverit Domino Collectori talium fructuum pro camera apostolica quinque florenos auri, defalcandos in debitis dictorum mediorum fructuum ecclesie iam dicte, Quos Quadraginta tres florenos auri nomine depositi a dictis preposito et Conventu michi numeratos plene recepi et me astrinxi ad solvendum ipsos pro prefata Camera apostolica dicto Domino Collectori, vel eius locum legitime tenenti, vel illi, qui de proximo venerit cum sufficienti mandato fructus similes percipiendi. In quorum testimonio presentes literas per notarium infrascriptum in formam publici Instrumenti redigi mandavi et mei sigilli appensione roboravi. Datum et actum Newnburge in domo habitacionis venerabilis viri domini Cholomanni prepositi Mon. supradicti Anno Domini Millesimo Trecentesimo Septuagesimo primo Indicc. nona, die XIIIl^ta Mensis Septembris, Pontificatus SS. in Christo patris et domini nostri domini Gregorii divina providencia pape XI^mi anno primo, presentibus honorabilibus et discretis viris dominis Johanne Wezzelini, Warmiensis et Ardacensis ecclesiarum Canonico, Mag. Nycolao, Rectore scolarum in eadem Newnburga, clerico lubecensis dioc., Stephano Rectore Capelle s. Johannis Baptiste in Mukraw, presbytero, Jeorio quondam Gundoldi milite et Vlrico de Rust dicte pataviens. dioc. testibus in prernissis Et ego Albertus, Nicolai de Vischhausen, clericus Sambiensis||
dioc. publicus Imperiali auctoritate notarius etc.

Source Fulltext: ZEIBIG, Klosterneuburg (=FRA II/10, Wien 1857) S. 440-442