Charter: Urkunden (777-1894) 1249 IX
Signature: 1249 IX
Add bookmark
Edit charter (old editor)
September 1249, Wels
Abt Ortolf von Kremsmünster vererbrechtet zwei Lehen jenseits der Donau, das eine in Zaizendorf mit jährlich einem halben Talent dem Amt in Buchkirchen, das andere "im Feld" mit jährlich 60 den. der Kämmerei unterstehend, an Vulfing von Grub und seine Brüder Hartwig und Markwart unter der Bedingung, daß der genannte jährliche Dienst von 6 sol. pünktlich in der Oktav von Maria Geburt an die zwei Ämter entrichtet werde, widrigenfalls die Lehen an das Kloster zurückfallen.Source Regest: Regestenbuch Kremsmünster
Current repository:
Stiftsarchiv Kremsmünster (http://www.stift-kremsmuenster.at)
Stiftsarchiv Kremsmünster (http://www.stift-kremsmuenster.at)
Material: Pergament
In nomine Domini. Ortolfus dei gratia Abbas in Chremsmunster et Conuentus Omnibus fidelibus christi presentibus et futuris orationes et perpetuam in dei filio salutem. Quoniam humane fragilitatis memoria labilis est et caduca, ideo nimirum, ne memoria rerum gestarum processu temporis aut obliuione hominum euaneseat, litteris eam consueuimus eternare. Notum igitur facimus omnibus scire uolentibus, quod nos communi consilio et assensu Vvlfingo de Grub et suis fratribus Marchwardo et Hertwico duo beneficia, unum in Zaizendorf pertinens ad officium in Půchchirichen et alterum in Campo pertinens ad Cameram ecclesie nostre, de quibus officiatus noster in Půchchirichen dimidium talentum et Camerarius ecclesie Sexaginta denarios publice monete wienensium singulis annis recipere consueuerunt, sita quidem ultra danubium et a nobis nimium semota, ivre hereditario contulimus ad dictum censum ita, ut idem census, Sex uidelicet solidorum predictis officiato nostro de Půchchirichen et Camerario in Natiuitate beate Marie virginis uel saltem in Octaua eiusdem Natiuitatis annuatim omni occasione deposita persoluatur hac interposita condicione, ut quandocunque memoratus census in predicto termino non seluatur, prefati Vvlfingus suique fratres ac omnis eorumdem posteritas cadant totaliter ab omni ivre, quod in eisdem beneficiis habuerunt, et ipsa libere redeant in nostre ecclesie possessionem. Vt autem hec nostris temporibus et post nos in perpetuum rata maneant et inconvulsa, presens instrumentum super huiusmodi collatione conscriptum sigillorum nostri ac dominorum de Schowenberch atque domini Alberonis de Pollnheim munimine ad maiorem cautelam necessarium et utile duximus confirmari testibus subnotatis, Quorum nomina sunt hec: Predicti domini Heinricus et Wernhardus de Schowenberch, Dominus Albero de Pollnheim, quorum sigilla presenti pagine sunt appensa, Vlricus plebanus Sancte Marie secus fluuium Palsenz, Chunradus plebanus in waldarn, Teimo de Pernov, Dietmarus de Ottesdorf, Hertwicus de Mvolperch, Heinricus dens, Ernsto de Stein, Heinricus de Tobel, Chunradus de Geirsperg, Heinricus, Fridericus de Palsenz, Heinricus in pomerio, Alrammus Speiser, Ortolfus, Wigandus et alij plures. Datum apud Welsam Anno Domini MCCXLVIIII. Acta sunt hec eodem predicto tempore In mense Septembri.
Source Fulltext: OÖUB 3 (Wien 1862) S. 159-160, Nr. 160
Original dating clause: mense Septembri
Editions:
- Urkundenbuch von Kremsmünster Nr. 77.
- Pachmayr p. 120 u. 883.
- Strasser S. 335.
Language:
Places
- Wels
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}