Nos Wernhardus dei gracia ecclesie Pataviensis episcopus presentibus confitemur, quod tum nos dudum inspectis necessitatibus et meritis ejus ecclesie in Chremsmunster nostre dyocesis de consensu capituli nostri ecclesiam parrochialem in Chemnaten, in qua jus patronatus ab antiquo tenuit, ad perpetuos usus donassemus taxacione et moderacione prebende perpetui vicarii gubernaturi eandem ecclesiam et supportaturi honera canonica pro eadem nostre ordinacioni reservatis prout in litteris patentibus exinde confectis nostro et predicti nostri capituli sigillis communitis clarius continetur, nos habita deliberacione diligenti de consilio venerabilis domini Aeinwici prepositi ecclesie sancti floriani et Friderici plebani in Chemnaten expertorum in hac parte, ordinamus, damus et deputamus vicario perpetuo in Chemnaten pro decem modiis tritici, siliginis et avene In Anger unam domum decimalem, Item ibidem duas domos, Item an dem Hof unam, Item in Epping unam domum, Item in Chnütligaern 1. Item Chaeger unam domum, Item in Chürsenperg 1. domum, Item in Naeidekk unam domum, Item tze dem Volantshof 1. Item in Chünlinsperg 1. domum, Item an dem veld ij domos, Item datz dem chlainen aigen unam domum, Item an der widem 1. domum, Item datz dem hünten unam domum, Item datz dem merarn aigen 1. domum, Item datz Graben 1. Item datz püch aich 1. domum, Item in Stainportz 1. domum, Item in Winter Öd unam, Item datz dem Rotem in dem holtz 1. domum, Item tzeder nidern widem unam, Item an dem Lehen unam, Item in der Grub circa villam Chemnaten unam domum, Item in Wair tres domos, Item in Chrems unam, Item in Prukk tres domos, Item in Velwern 1. domum, Item Lancigel unam domum, Item in Erla^ech circa Velwaern unam domum decimalem. Insuper totalem minutam decimam per totam parrochiam Chemnaten, que ante, donacionem hujusmodi ad ecclesiam Chremsmunstrensem pertinuit et omnes dotes ecclesie in Chemnaten, quas hodie possidet et in futurum acquiret, cum cottidiano questu ex quibuscumque causis proventuro, pro prebenda deputamus vicario prenotato. Decimas vero majores per totam parrochiam in Chemnaten illis exceptis, que sunt vicario deputate integre et precise decernimus et volumus ad Chremsmunstrensem ecclesiam in perpetuum pertinere, interdicentes vicariis in Chemnaten, qui pro tempore fuerint, ut easdem in aliqualiter contingere non presumant. In cujus rei testimonium presentes dedimus litteras nostro sigillo ad perpetuam rei memoriam communitas. Datum Patavie anno domini M. C. C. C. IIII. X kal. Augusti.

Source Fulltext: OÖUB 5 (Wien 1868) S. 603-604, Nr. VIII (Anhang)