Ich Ruger von Staeutz ... vergehen ... daz ... apte Fridereich und deu Samenunge des Goteshuses ze Chremsmunster ... gechauffet habent wider frowen Diemueten von Plostauden einen weingarten, des ein halbes Geuch ist, leit an der obern Eren ze naehst bei Fridereiches weingarten des Enn, den si herbraht haet ze rehten Perchreht mit sampt ir Chonwirt Otten von La umbe Siben und virzech phunt phenning wienner muenze ... und ist daz geschehen mit gunst und mit willen aller irer erben und auch ir Chonwirt erben des vor genanten Otten von La, und mit zeitigem Rat ir besten Freunte also ... , und Marchart und Seifrid, die des weingarten erbe waren und mit reht furziht mit anderm guet hindan geteilet sint, habent mit gutlichem willen den weingarten, des ein halbez Geuch ist, leit ze naehst dem e geschriben weingarten mit des vorgenanten Perchmeisters hant ze rehtem Scherme gesatzt für alle erben und für alle ansprache ... Ditz ist geschehen und diser prief gegeben ze Hertzogen Neunburch do von Christes Geburt ergangen waren Tousent iar Dreu hundert iar und in dem Sehsten Jar des naehsten Eritages vor Sanct Georgen tage.

Source Fulltext: OÖUB 5 (Wien 1868) S. 609, Nr. XIII (Anhang)