Nos Wichardus dei gracia humilis Abbas et totus Conventus Ecclesie Glunicensis, ordinis sancti Benedicti, profitemur tenore presencium litterarum, quod nos unanimi consilio et consensu cum Ecclesia Chremsmunstrensi ordinis eiusdem societatem sive fedus spiritualis fraternitatis teneri decrevimus ut pernos in bono nostra devocio stabilis perseveret et pro invicem orantes Spiritu conservari et corpore mereamur et ut adeternam beatitudinem perveniamus, Volumus et confirmamus perhec scripta, quod inter nos contracta fraternitas Monasterio Chremsmunstrensi atque nostro sit legalis unionis et equitatis vinculum et indeficiens deo favente subsidium in augustiis eciam si necesse fuerit, spiritualiter et temporaliter conprobandum Statuimus et integro devocionis studio confirmamus, ut fratres Chremsmunstrenses ad nos causa conmansionis cum prelatorum suorum litteris venientes tamquam fratres nobiscum nutriti benignius in omnibus pertractentur, quam diu nobiscum permissi fuerint commorari, Preterea, si quisquam fratrum predicte Ecclesie ad nos causa venerit consolacionis, per unum mensem aut duos pie sicut unus exnostris fratribus teneatur. Statuimus etiam et volumus anobis et anostris successoribus firmiter observari, ut cum aliquem exnobis sive exvobis de hac vita migrare contigerit alterna vicissitudine pulsatis exmore Campanis cantentur vespere defunctorum et Missa et vigilie in conventu. Ipso eciam die quilibet sacerdos ad unam missam et deinceps ad tres tenebitur cum tribus corporalibus disciplinis, alii autem inferiorum ordinum ad unum psalterium et tres eciam disciplinas, Conversi vero ad Centum Quinquaginta pater noster et tribus eciam disciplinis. Adhec autem omnia predicta nos intendimus obligari, ut simile ac peromnia equale nobis fiat obsequium Karitatis persacrum collegium Chremsmunstrense. In cuius rei perpetuam memoriam atque robur presentes litteras nostris Sigillis tradimus communitas. Actum et Datum apud Glu^enich anno dominice Incarnacionis M°C°C°C° XIII In nativitate beate Marie virginis gloriose.

Source Fulltext: OÖUB 5 (Wien 1868) S. 622-623, Nr. XXX (Anhang)