Ich Ott der Vansdorfer und Angnes mein hausvrow und mit uns unser paider erben vergich und tun chunt offenwar mit disem brief allen den, diinsechent, ho^ernt oder lesent, daz ich Chonrad dem Vansdorfer meim vater und seiner hausvrowen und irn erben daz gu^et verchauft han, daz genant ist auf der Stichel und leit in Garstner pfarr und ist lehen von meim hern von Babenberch um an ains zwaintzich pfunt pfenning wienner münz und pin auch desselben gu^etz sein gewer nach landes recht fu^er mich und fu^er alle mein erbn und fu^er alln den Chrieg, der in an gieng von meiner hausvrown und von unsern erben mit recht und waz im daran ab gieng, daz sol er haben auf mir und auf aller meiner hab, di ich han im lant ze Osterreich. Daz im di red stat und unverchert beleib von mir und von meinen erben, dar uber gib ich im disen brief versigelten mit meinen anhangunden insigel. Der brief ist gegeben do von Christes gepu^ert ergangen warn dreutzehen hundert iar darnach in dem fu^emf und viertzkisten iar an dem Oster abent.

Source Fulltext: OÖUB 6 (Wien 1872) Nr. 501, S. 505