Ich Engelschalch der Pu^echar vergich mit disem prief, daz das hous ze Chirchperch, do ich mit hous gesessen pin und davon ich dem gotzhous ze Chrernsmünster jaerchleich geraicht han und noch raichen schol deu weil ich leb fu^emf und dreizk pfenning wiennar mu^enze, des selben gotzhouz lediges und vreis guet ist. und da mit nach meinen tod allen seinen frum schol und mag schaffen an all irrung und ansprach, und dar u^eber zu ainem warn und offen urchu^end gib ich iem disen prief versigelten mit meinem und meins pru^eders Larenzen zwain anhangunden insigeln. Geben, do von Christes gepurd gezalt warn dreuzehenhundert jar, dar nach in dem neunten und virzkisten jar an dem sunnivent abent.

Source Fulltext: OÖUB 7 (Wien 1876) S. 110f., Nr. 112