Wir Ernste von Gotes genaden abpt ze Chremsmu^enster veriehen vnd tu^en chunt offenlich mit disem prief, daz fu^er vns chom her Ott von Volchenstorf, vnd gab vns auf seines rechten erbes ainen hoff ze Schiermesdorf vnd den zehent in Chemnater pharre vnd pat vns, daz wir daz von vnsern genaden geruchten ze leihen seinem swager her Hainreichen von Walse von Drosendorf vnd seinen erben. Nu hab wir angesehen di trevn dienst vnd fu^ederung, di si vns von paydenseiten vnd vnserm gotzhaus offt getan habent vnd noch getu^en mu^egen in chunftiger zeit, vnd leihen vnd haben verlihen dem vorgenanten Hainreichen vnd seinen erben di vorgenanten gu^eter mit vrchunt dicz priefs. Geben ze Welsze mit vnserm insigel nach Christi geburd drevzehen hundert jar, dar nach in dem zway vnd funfczigistem jar, des sampcztags jn der quater-temper ze phingsten.

Source Fulltext: OÖUB 7 (Wien 1876) S. 282f., Nr. 277